LAKANA NIVADIKA TAO NOSIARINA

Renim-pianakaviana 27 taona izay bevohoka 7 volana vadina zandary iray ao Amboangibe anisan’ireo mpandeha tamin’ilay lakana nivadika tany an-toerana afak’omaly.Ny zanany lahy 04 taona izay niara-dia taminy kosa avotra tamin'iny afak’omaly alina iny ihany ka zazalahy 08 taona sisa no mbola karohin'ny fokonolona. Ilay Renin’ity farany avy any Antindra kosa dia efa hita faty afak’omaly alina ihany koa tokony tamin'ny 11 ora. Mbola manao antso avo amin'ny mponina izay manodidina ny renirano Bemarivo ny fianakaviana noho mba hiaraka hisalahy amin'ny fitadiana ny iray sisa mbola tsy hita. Tsiahivina moa fa lakana mpitatitra mpandeha mampitohy an'i Nosiarina miakatra any Amboangibe Bemarivo io niharan-doza io ka nivadika tokony ho eo amin'ny 1km sy sasany tsy hahatongavana raha nifanehatra tamin'ny onjan-drano mahery. Tao Ambohipoana afak’omaly 02 Jolay tokony tamin'ny 08 ora alina no nitrangan’ny loza raha niainga avy tao Nosiarina niaraka tamin'ny mpandeha miisa 11.
Pati
Legende : Sady mamono no mamelona ny rano !