LALAM-PIRENENA FAHA-6

Voakasik’izany manokana ny ao amin’ny tetezan’Ifasy, any amin’ny distrikan’Ambilobe, Faritra DIANA. Efa mihoatra ny faritra haavon’ny tetezana sy ireo toerana nanaovana ny fivilianana na ny deviation ny rano, raha araka ny vaovao voaray. Tsy maintsy nandray ny andraikiny ireo tompon’andraikitra noho izany ho fisorohana ny loza. Tsiahivina fa efa tamin'ny rivodoza Gamane farany teo ity tetezana ity no simba saingy tsy mbola nisy mihitsy ny asa fanamboarana natao. Ny familian-dalana vonjimaika no nataon’ireo tompon’andraikitra nefa efa hiditra tanteraka ao anatin'ny vanim-potoanan'ny rivodoza indray isika eto Madagasikara. Fiara fitateram-bahoaka sy kamiao mpitatitra entana maro vokatr’izany no mihitsoka any an-toerana miandry ny faharitran’ity ranobe ity.
Pati
Legende : Tahaka izao ny haavon’ilay rano ao amin’ny tetezan’ Ifasy !