Resitory ny mpamily, nivadika ny fiara

Io no vokatry ny Lozam-pifamoivoizana, nahazo ny fiarakodia iray nitondra ireo mpampianatra 31 mianada ao amin'ny " Lycée Privé Saint Vincent de Paul" Farafangana, raha niverina avy tany Toliara izy ireo afak’omaly Sabotsy. Tao amin’ny Kaominina ambanivohitr’ Amporoforo Fokontanin'i Tsoroboy any amin’iny lalam-pirenena faha-12 iny mo nitrangan’ny loza, 31 km hiditra an'i Farafangana. 41 mianadahy izy ireo no niaraka avy nanao fitsangatsanganana, fialan-tsasatra, ary fifanakalozana traikefa tamin'ireo samy mpanabe saingy efa nihintsana tao Ambalavao, Ihosy… ireo mpampianatra sasany.
Resin-tory ny mpamily ka izay no nampivadika ilay fiara nentiny. Nitsoaka niala tao anatin'ny fiara saika hanavotra ny ainy kosa Itompokolahy Kopile Pierre nandritra izany ka tany amin'ny ilany nisy azy no nivadihan'ny fiara ary voatsindry tao ambany izy. Tsy tratra intsony ny ainy vokatr’izany. Namela kamboty valo mianadahy ny anaolahy. Mpampianatra taranja Filozofia ao amin’ny lisea tsy miankina Saint Vincent de Paul Farafangana moa Itompokolahy fony fahavelony, raha tsiahivina.
Pati
Legende : Itompokolahy fony fahavelony