RN13_Kamio be nofahon’ny ranotrambo

eo ho eo miala ny tanànan'i Betroka, avy ao avaratra raha avy any aty Amboasary Atsimo ho any Ilakaka omaly tolakandro tokony tamin'ny 05 ora hariva. Fiara karandalina an’ny Kôperativa Trans Mahefa nitondra olona manodidina ny 90 no tratry ny ranotrambo, raha niampita tetezana, hany ka narosiky ny rano ary nivadika sy difotra. Matetika ny zaza kely ataon’ireo ambany seza, hoy kosa ny fanamarihan’ny solombavambahoaka voafidy tany an-toerana raha niditra tamin’ny fahitalavitra iray omaly. Tra-doza tao ireo mpandeha maro be, olona maro no namoy ny ainy, betsaka no mbola tsy hita popoka,… Am-polony no voalaza fa namoy ny ainy, saingy raha ny vaovao ofisialy voaray omaly tamin’ny 8ora alina, miisa 7 no voamarina fa maty, izay zaza ny 3, ary olon-dehibe ny 4. Mbola betsaka ireo tsy hita popoka ka anisany ny mpamily, ary nisy zaza vao 1 volana monja voalaza fa lasibatra raha toa ka avotra ny reniny, raha ny vaovao azo tamin’io ora io. Tafakatra 30 anefa ireo olona maty, raha ny vaovao vonjimaika tamin’ny 11 ora alina tany ho any. Tsy fantatra mazava ny isan’ny olona, ka tokony hanara-maso ireo mpitatitra ny mpitandro ny filaminana. Niara-nifarimbona sy nifanome tanana ny rehetra amin'ny famonjena ny ain'ireo niharam-boina moa ny rehetra rehetra ka ankoatra ny fokonolona dia teo ny mpitandro ny filaminana, ny mpiasan’ny fahasalamana,… Mirary fiononana ho an’ireo namoy havana, ary maniry fahasalamana ho an’ireo naratra isika eto amin’ny Tia Tanindrazana.
Toky R