RN2-MOTO NIFATRATRA TAMIN’NY KAMIAO

20 km tsy hidirana an’Andasibe raha avy any Toamasina hiakatra eto Antananarivo.Tera-tany vahiny miisa 4 nitsangatsangana tamin’ny moto gros cylindré izay fantatra fa nandeha mafy tokoa no tra-doza tamin’izany. Nifatratra tamin'ilay kodiarana kamiao farany indrindra ny moto iray raha nikasa hamonjy an’Antananarivo ka maty teo noho eo ny mpamily vahiny iray. Raha araka ny fantatra dia ny lohany no tena voamafy tamin’izany ka nifantsintsitra ny ra. Potika ihany koa ilay moto vokatry ny dona mafy ny nahazo azy. Avy hatrany dia nentina namonjy ny hopitaly akaiky indrindra teo an-toerana moa ny razana raha niazo an’Antananarivo nikarakara izay tokony nokarakaraina kosa ireo namany sasany. Tsiahivina fa na dia tsara sy malalaka aza ny lalana dia tokony ho voafetra hatrany ny hafainganam-pandeha na ho an’ny fiarakodia izany na ho an’ny moto hisorohana ny loza mety hamoizana aina tahaka izao.
Pati
Legende : Mipitika tahaka izao ilay tera-tany vahiny namoy ny ainy !