.jpeg)
ilay lozam-pifamoivoizana an-dranomasina nitranga tao Bemanevika, distrikan’Ambanja afak’omaly talata 26 Novambra. Raha araka ny loharanom-baovao dia nikasa ho any Mayotte izy ireo no izao tra-doza izao. Tsy mbola fantatra mazava hatramin’ny fotoana nanoratanay omaly hariva ny antony naharendrika ireo sambokely miisa 2 ireo. Ao ireo milaza fa lany solika ilay sambo. Tao koa ireo nilaza fa simba tampoka dia rendrika ka natopatopan'ny onjan-dranomasina nanatona ny sisiny. Ireo manam-pahefana tany an-toerana moa no nahita voalohany izao tranga mampahalehlo izao. Nohentina notsaboina ao Nosy Be ny sasany raha ao Nosy Iranja kosa ny sasany. Efa ao anatin’ny fanadihadiana tanteraka ireo ny mpitandro ny filaminana hatramin’ny nanomboka tamin’ny fotoana nitrangan’ny loza. Na izany aza dia fantatra fa tsy mahay tenim-pirenena hafa ankoatra ny teniny ireto teratany Somaliana ireo ka tsy maintsy ilana mpandika teny. Izy ireo ihany anefa no tena mahalala ny zava-nitranga niainany taloha sy nandritra ny loza. Efa nisy hita moa ny vatana mangatsiakan’ny sasany raha efa natelin’ny ranomasina kosa ny sasany.
Pati
Legende : Nandritra ny fidinana ifotony nataon’ny mpitandro ny filaminana !
