Taorian’ny resaka nifanaovan’izy ireo tamin’ny solontenan’ny Ministeran’ny fitaterana sy ny antokon-draharaha misahana ny fitaterana an-tanety any an-toerana mantsy dia fantatra fa hovahana avokoa ireo olana sedrain’izy ireo amin’ny fanatanterahany ny asany amin’ny andavanandro. Lohalaharana amin’izany ny fifehezana ireo tuc tuc izay tsy tokony hiasa ivelan’ny renivohitr’i Toamasina nefa marobe no manita-dalana. Toraka izany koa ny fidiran’ny taxi-brousse avy aty Antananarivo miazo an’i Soanierana Ivongo avy hatrany raha tokony hijanona ao Toamasina ihany miampy ny tsy famerana ny entana tokony ho entin’izy ireo. Niravona ny olana tamin’ny ankapobeny saingy mbola nanamafy ireto mpitatitra ireto fa hitohy amin’ny fitokonana avy hatrany raha vantany vao mahita tranga mifanohitra tamin’ny fangatahin’izy ireo.
Pati