EID AL ADHA-ASSOCIATION AHMADIYYA

Ho an’ny Association Musilmane Ahmadiyya etsy Andavamamba manokana dia olona an’aliny no nozarainy hen’omby maimaim-poana omaly izay tontaliana ho 1 kg isan’olona eo ho eo. Ho an’ny tetsy amin’ny foibeny Andavamamba fotsiny dia olona miisa 6000 no nahazo tombontsoa tamin’izany raha araka ny fanazavan’ny Misionera Mousah, miasa eo anivon’ny Fikambanana. Ankoatra ireo kamboty sy mananontena dia nojerena manokana tamin’izany koa ireo olona sahirana sy manana fahasembanana. Omby miisa 26 no novonoina natao nofon-kena mitam-pihavanana tamin’izany. Omby miisa 7 kosa no novonoina tany Andoharanofotsy raha toraka izay ihany koa ny tetsy amin’ny Filatex Ankadimbahoaka. Ny Eid Al Adha moa raha tsiahivina ho an’ireo mpino Slamo dia fotoan-dehibe iray hahatsiarovana ny nanaovan’ny Mpaminany Abrahama sorona ny zanany lahimatoa Ismael ho an’i Allah. Ho an’ny Kristiana kosa dia Isaka io natao sorona ho an’i Jehovah Andriamanitra tamin’io fotoana io. Navadika ho ondry izany tamin’izany fotoana, fomba iray mbola tohizan’ireo mpino Slamo mandraka ankehitriny ka anisan’izany ny Association Musulmane.
Pati
Legende : Nandritra ny fanolorana ny hena ho an’ny vahoaka tetsy Andavamamba !