Finoana

niompana tamin’ny raharaham-piangonana, fa teo ihany koa ny momba ny raharaham-pirenena. Vita ny fampiofanan’ny Mpitandrina mivady, ary tontosa ihany koa ireo fihaonambe samihafa teo amin’ny sahan’ny FJKM, voapetraka ny sabotsy 15 oktobra tao amin’ny FJKM Tranovato Faravohitra ireo Talen’ny Toeram-Panomanana ho Mpitandrina, Talen’ny Arsiva, ary ny Komitin’ny Fanompoam-pivavahana amin’ny teny Anglisy sy ireo solontena ao amin’ny Komity mpitantana iobanana eo anivon’ny FFPM,… Nitondra hafatra ho an’ny Vahoakan’Andriamanitra ny Mpiandraikitra Foibe an’ny FJKM izay nivory tao amin’ny CFD Ampandrana, izay nisy teboka maro: Mitaona ny kristianina amin’ny fiofanana misionera, hivavaka noho ny faha-55 taonan’ny FKM ny 2023, hiomana amin’ny Synodam-pinoana ny mey 2023, mamporisika ny kristianina hampiana-janaka amin’ny sekoly sy oniversite FJKM, manentana amin’ny firosoana amin’ny fanompoam-pivavahana amin’ny teny Anglisy any anivon’ny Fiangonana sy ny sekoly FJKM,... Momba ny fiainam-piarahamonina sy ny fiainam-pirenena kosa, miantso ny rehetra amin'ny hasarobidin'ny aina ny FJKM, ka nanamarika fa tokony tsinjovina sy arovana, indrindra mahakasika ireo zaza varira. Naneho fa masina ny fanambadiana ka tsy ekena ny fanambadian'ny mitovy fananahana. “Manainga ny mpitondra fanjakana hampanjaka ny fahamarinana sy handray andraikitra manoloana ny fahantrana lalina, ny tsy fandriampahalemana, ny fanaovana tantely afa-drakotra ny harem-pirenena, ny fiparitahan'ny zava-mahadomelina ary ny fandoroana tanindrazana izay mahazo vahana eto amin’ny firenentsika ankehitriny. Miantso ny rehetra hifampihaino mba hisian'ny filaminana sy hampanjaka ny fihavanana, indrindra amin'izao ankatoky ny fifidianana eto amin'ny firenena izao, ary samy mba handray andraikitra mba ho madio sy mangarahara izany fifdianana izany”, hoy ny ampahan’ny fanambarana nosoniavin’ny Filohan’ny FJKM, ny Mpitandrina Irako Andriamahazosoa Ammi.
Toky R