Filoha vaovaon’ny Fiangonana FMTA

Foibe sy ny misiona manontolo ny andron’ny omaly 10 novambra 2024. Notokanana tamin’ny fomba ofisialy io omaly io mantsy ny Filohan’ny Misiona sady mpitandrina eo anivon’ny Foibe FMTA Andranobiriky dia ny Mpitandrina Ravelomanatsoa Herinjato Lovatahiry. Filoha faha-10 hatramin’ny nijoroan’ny FMTA tao anatin’ny 130 taona ny. Efa nirian’ny maro hatry ny ela mba ho tena ny zanaky ny FMTA no hitantana ny misiona, ary io tanteraka io. Mandra-maty ny maha mpitandrina, ka miasa izy araka izay hitondran’Andriamanitra azy, fa ny faniriana moa dia mandra-pahafaty, raha ny fanazavan’Atoa Ralamboarison Marson J. Césard Mpandraharaha eo anivon’ny FMTA Foibe. Ny Mpandray fanasan’ny Tompo ao amin’ny FMTA Foibe no fahefana tampony, ka ireo no nifidy ny Filoha vaovao tamin’ny salan’isa 99% ny 7 aprily 2024. Ny nampiavaka an’ity indray mitoraka ity, dia zanaky ny FMTA, novolavolaina tamin’ny soatoavin’ny FMTA, ka rehefa nahavita ny fianarany izy dia nisafidy azy ny fahefana tampony fa izy no mendrika ny ho Filoha hitondra ny Fiangonana sy ny Misiona iray manontolo, Atoa Ramamison Mamitiana mpandraharaha eo anivon’ny FMTA. Amin’ny maha fiangonana misionary ny FMTA, dia ny fanaparihana ny filazantsara tsy eo amin’ny sahan’ny FMTA Antranobiriky ihany, fa manerana ny Misiona iray manontolo no iraka lehibe, ary tsy ny FMTA ihany fa manerana an’i Madagasikara satria izany no antson’Andriamanitra dia ny fampielezana ny filanzantsara, hoy hatrany ny fanazavana. Manana filoha vaovao isika, nahazo mpanompo isika mba hitarika antsika amin’ny asa fanompoana lehibe izay atao. Ampahatsiahivina fa manana iraka lehibe ny FMTA dia ny hitory filazantsara amin’ny olona rehetra, ka mahatoky sy mino izahay, fa ho tanteraka amintsika tokoa isika rehefa nahazo mpanompo mahery, ka hiara-hiombon’antoka tanteraka aminy, hanatanteraka ny fanompoana ho fampiroboroboana ny voninahitr’Andriamanitra irery ihany, hoy Atoa Ramamison Mamitiana mpandraharaha eo anivon’ny FMTA Foibe nisolo tena ireo mpino.
Toky R