ny Fianakaviamben’ny mpanakanto omaly, izay nihaona teto Antananarivo. Tsy misy mahalala afatsy Ninie sy ny tsirairay izay fifandraisana sy ifanampiana fa anio kosa dia miara ory amin'ny fianakaviana ny fianakaviam-ben'ny artista iray tsy mivaky sy ho fanehoana ny firaisan-kina, hoy ireo. Nandefa hafatra, fa miara-miondrika amin’ny fianankaviana any Nosy Be, ka nitondra ny teny fampaherezana sy fampiononana. « Nisy aminay ireo no niara-niriaria tamin’i Ninie Donia, fa ankehitriny dia nilaozany ny tontolonay mpanakanto,… Mangina nilaozanay izahay ranabavy, mandria am-piadanana ianao », hoy i Dama nisolo tena ny rehetra. Niara-niredona ilay hira malaza nahafantarana an’i Ninie Donie hoe : «Malilo malilo » izy ireo avy eo nentina nanomezam-boninahitra sy nahatsiarovana manokana azy. Taorian’izay dia nisy ny tsipaipaika nataon’izy ireo ho faho-dranomaso, ary naneho fa handefa solontena hanome voninahitra ny vatana mangatsiakany ny mpanakanto. Rahampitso no handevenana an’ity mpanakanto ity, raha ny fandaharam-potoana voafaritra.
Toky R