laharana voalohany teo amin’ny fifaninanana tamin’ny tontolon’ny hira « our generation » notanterahana tany Kazan Russie, nifaninan’ireo ankizy 9 hatramin’ny 16 taona. Ny hira mitondra ny lohateny hoe : « Iray » no nentiny an-tsehatra, ka izy no nandrombaka ny amboara tamin’ny alalan’ny fisafidianana nataon’ny daholobe na « vote public » raha toa ka ilay teratany Brezilianina Agusto Carvalho kosa no nandresy tamin’ny safidin’ny mpitsara. Nivoaka nandresy noho ny safidin’ny besinimaro noho izany ny Talenta Malagasy, izay maneho fa nisy ny fiaraha-nientana tamin’ny fanohanana azy. Tsara ny manamarika fa zanaky ny mpanakanto Stan sy Nanah fantatra tamin’ny tontolon’ny fifaninanan-kira Pazappa i Filamatra Matokia, izany hoe : efa ra mikoriana ao anatiny ny tontolon’ny hira sy ny kanto, ary tena nifoha sahady ny fahaiza-manaony sy talentany. Manamafy ihany koa izao fa manana ny maha izy azy ny Malagasy, ary misongadina amin’ny fifaninana lehibe tahaka itony satria efa maro ireo mpanakanto Malagasy nibata amboara lehibe kaontinantaly sy iraisam-pirenena, raha tsy hilaza afatsy ry Shyn, Deenyz, D-Lain, Marghe,…
Toky R
