Hiverina amin-kery ny Nabaoh

izay nataon’ny tarika Nabaoh sy ireo artista namana vitsivitsy, hoy i Rafifi, ao amin’ny tarika Nabaoh. Ankasitrahana, hoy izy, ny mpankafy satria tena hita ny fankafizan’ny eto Antananarivo izany Nabaoh izany tao anatin’izay taona maromaro tsy nisehoany teto an-drenivohitra izay. Mikasa ny hiverina amin-kery ankehitriny ny tarika, raha ny nambarany, ary mitohy, hoy izy, ny hetsika fankalazana ny faha 25 taonan’ny tarika. Hisy hetsika goavana hatao eto andrenivohitr’Antananarivo. Ao koa ny «Cabaret VIP», izany hoe seho anaty trano fisakafoana ho ataon’ny tarika. Eo am-panomanana ny praograma rehetra izahay izao. Hisy fitetezam-paritra sy fivoahana any ivelany aorian’izay raha sitrapon’Andriamanitra, hoy hatrany i Rafifi. Nilaza kosa i Abel Anicet, kapitenin’ny ekipam-pirenena malagasin’ny baolina kitra teo aloha, «Manager» na mpiahy ny tarika Nabaoh, fa tsy maintsy misy farany ny baolina kitra. Efa najanona iny, hoy izy, dia efa eto an-tanindrazana aho izao mivezivezy eto sy any ivelany. Mpiondana voalohany ny tarika Nabaoh hatramin’ny fahakeliko aho. Mahay mihira ry zalahy no efa namana akaiky. Nisy moa ny resaka nifanaovanay dia nosafidian-drizareo ho «manager» aho dia tsy mampaninona ahy fa namana ireo. Tsy maintsy asondrotra. Ny baolina kitra milalao sisa. Najanona mihitsy aloha iny. Hita ho misy fivoarana be ny mozika malagasy izao. Iza moa no tsy mahalala an’izany Nabaoh izany eto Madagasikara hatrany ivelany? Mino aho fa tena hahafinaritra, hoy hatrany ny tenany ny fiverenan’ny Nabaoh.
J. Mirija
Légende : Abel Anicet sy Rafifi