Joy K

Madagasikara izao ny mpanakanto Joy K, raha ny fampitam-baovao voaray. Ho an’ireo izay tsy afa-nanatrika ny seho teo amin’ny amin’ny lapan’ny kolontsaina sy fanatanjahantena Mahamasina, araka izany, hoy ny fanazavana, dia ny alin’ny 26 jolay izao no fotoana miaraka amin’ity mpanakanto ity etsy amin’ny Le Louvre, etsy Antaninarenina. Seho na «live» mandeha irery izy io, izany hoe ity mpanakanto ity irery no hamerina hampanembona ireo hira nahafantarana azy ao dia tsy inona moa izany fa ireo kalony tany amin’ny taona 2000 sy ny manodidina azy tany. «Raiki-pitia», «Sasatra», «Sambatra», «Tapitra hatreo», «Finoana» sy ny namany rehetra, araka izany, no ho ventsoin’i Joy K amin’ny endriny ankehitriny indray rehefa tonga izay fotoana izay.
J. Mirija