Nabaoh mankalaza ny faha-25 taona

Hidera azy», «Aller retour», santionan’ireo vazo nahafantarana izany tarika Nabaoh izany tao anatin’izay 25 taona nijoroany izay izany. Miketrika fiverenana amin-kery na ilay fiantso mahazatra amin’ny teny vahiny hoe «retour en force» moa amin’izao fotoana izao ny tarika, hoy ny fanazavan’i Rafifi Randriamanantena, ao amin’ny tarika. Mankalaza ny faha 25 taona ankehitriny ny tarika ary mampanantena fiverenana mahafinaritra ary tena inoana fa hafinaritra tokoa izany, hoy ny mpandrindra na «manager» eo anivon’ny tarika, Abel Anicet Andrianantenaina. Raha ny nambaran’i Rafifi hatrany dia hisy ny fampisehoana goavana na «Grand concert» ho tontosain’ny tarika eto Antananarivo. Ankoatran’izay koa dia hisy ny fitetezam-paritra na «Mada tour 2024», hoy izy, amin’ity taona ity hatrany ary ny fandaharam-potoana dia ho fantatra miandalana eny ihany.
J. Mirija