ho avy izao no hanatanterahana azy etsy amin’ny lapan’ny Kolontsaina sy ny Fanatanjahantena etsy Mahamasina, manomboka amin’ny 07 ora hariva. Mpanankato maro manana ny lazany sy ny maha-izy azy no ho avy hanafana lanonana ahitana an’i Lion hill, Sayda, LJo, Basta Lion…Tanjona amin’izao hetsika izao raha araka ny fanazavan’ny mpikarakara ny mba hahafahana manasongadina ireo artista Malagasy manan-talenta. Nosafidiana manokana kosa Antananarivo noho ny fahantarana fa tena mahafaly ny vahoaka ny fisian’ny hetsika tahaka izao indrindra mahazo ilay Vendredi magnifique, fotoana fanalan’ny tsirairay avy hamohamo iny, taorian’ny herinandro mavesatra nodiavina. Hisy mandritra izany ny Chicha bar, ny Photo booth, ny fahafahana mijery ny fahaizan’ireo mpandihy vehivavy mandihy tropikaly, ny fanentanana hataon’ny Dj ary ny snack sy ny tonotono akoho sy hena. Amin’ny 04 ora hariva dia efa misokatra ny vavahady raha eny an-toerana ihany no hivarotana ny tapakila. Tsiahivina moa fa anisan’ny orinasa lehibe manohana hatrany ireo mpanankato Malagasy ny orinasa Star.
Pati
Legende : Nandritra ny fampahafantaran’ireo mpikarakara ny hetsika omaly !
