Ady ho an’ny fahamarinana

hoy ny mpanakanto sady depiote, Paul Bert Rahasimanana na Rossy, omaly. Efa fanamiako ho marik’izany hatramin’izay, hoy izy, ny fotsy fa aza taitaitra. Misy fotoana ny zava-drehetra. Misy fetra ny fandeferana. Misy fahanginana mankarenin-tsofina , misy tabataba tsy misy mihaino. Mankany mankany io, hoy hatrany ity tompon’ny tapolaka glady ity. Hita ho tongan’ny artista hatrany ivelany ny firaisankina, izany hoe hatrany am-pitan-dranomasina, raha ny mikasika izay ady ho an’ny fahamarinana amin’ny alalan’ny hetsika fotsy na fanamiana fotsy nanomboka ny 5 oktobra 2023 teto Madagasikara izay. Nampiranty ny sariny mitafy fotsy toy izany koa, ohatra, ny mpanakanto Lolo, izay ao amin’ny Lolo sy ny tariny, ary nilaza fa ilay akanjo fotsifotsy tokony hanaovana isan’andro amin’izay fa tsy alahady fotsiny toy ny voarakitra anaty tononkirany intsony no nisalorany nanomboka iny omaly iny. Ity mpanakanto malagasy ity moa izay monina ao Frantsa amin’izao fotoana izao.
J. Mirija