An-dalana ny FANOVANA

tsy hoe amin’ny maha lava ranjanana azy fa noho ny vinany sy ny fahafizany maneho hevitra, manazava ny fanatanterahana ny asa avy amin’io Vina io. Ny diabe teny amin’ny boriboritany faha 3 sy faha 5 ny sabotsy teo, dia efa mazava ny resaka fa babon’i Tahina ny mponina eto Antananarivo, indrindra fa ireo izay nisalasala na tsy tonga nifidy mihitsy tao anatin’ny 15 taona. Tsikaritra ihany koa fa tena liana ary manaraka ity kandida atolotry ny Tia Tanindrazana ity ireo Tanora. Izy rahateo amin’ny maha mpampianatra azy dia manana programa manokana ho an’ny tanora eo amin’ny sehatry ny fanabeazana, fanatanjahatena ary ny teknolojia. Omaly alahady dia efa ho 3 km ny halafan’ny fira maro nitandahatra nanao dia be namakivaky an’Antananarivo, nokarakarain’ny MTR na MPiaradia amin’i Tahina Razafinjoelina. Manoloana ireo resak be iniana aely etsy sy eroa manaratsy, manenjika manoso-potoka azy dia niatrika ny antso sy ny fanehoan-kevitry ny vahoakan’Antananarivo tamin’ny alalan’ny fandaharana manokan.
SAHY MIATRIKA
tao amin’ny onjampeo Top radio ary nandeha tamina onjampeo tsy miankina maro sy tamin’ny tambazotra sosialy ny zoma lasa teo i Tahina nazava tsara tamin’ny rehetra amin’izay ny foto-kevitra ijoroany sy ny hoe tena niezaka izy va tonga tamin’io toerana misy azy io ; azo atao tsara ny manambola sy tafita amin’ny sehatry ny fampianarana hoy izy. Ary zava-dehibe, hoy izy ny fifanampiana, mila mifanampy isika fa tsy mifaninana raha te ho tafita. Notsidriany hatrany fa izay mahasoa ny olona ary mifandraika amin’ny soa iombonana no andao handaniam-bola sy ampiasana loha fa tsy resaka rendrarendra sy seho ivelany. Asa fa tsy teleferika, rano fa tsy T-shirt, fitsaboana fa tsy fampisehoana, fampianarana fa tsy koveta. Niantso ny vahoakan’Antananarivo hijoro, tsy hanaiky hovidiana, fa hiara-hanova ny fanaovana politika, hiaraka hanova an’Antananarivo, hiaraka hanova ny Firenena,… i Tahina Razafinjoelina, ka nanentana ny vahoaka ho tonga maro amin’ny 11 desambra 2024, ary hanao andrimaso ny safidim-bahoaka.
RTT