Antoko politika Fiombonana

ny voka-pifidianana ankehitriny, hoy ny antoko politika Fiombonana. Tsy mipetraka amin’ny maha mahaleotena azy ny CENI fa misy foana ilay tsindry na «influence» na koa hoe « main invisible d’une personne», izany hoe tanana tsy fantatra any ambadimbadika any tsy hitan’ny mpanara-baovao, hany ka lasa manova ny vokatra tena izy hita teny ifotony, hoy ny sekretera jeneralin’ny antoko, Durlin Retogniane. Izay no hanairana ny tomponandraikitra anivon’ny CENI amin’izao fotoana izao satria raha izay no tantara nisy teo anivon’ny fifidianana teto Madagasikara dia azon’ny CENI atao tsara ny maka lesona tamin’ireo fifidianana nisy teo aloha. Azony atao tsara ny manome maodely tsara izay handimby toerana azy. Hitantsika fa mifampiampanga ny andaniny sy ankilany. Manome tsiny ny kandidan’ny vovonana Firaisankina ny kandidan’ny vovonana IRMAR. Ny avy any amin’ny Firaisankina koa manome tsiny ny vovonana avy amin’ny fitondrana. Very tanteraka manoloana ny mety ho vokatra vonjimaika ho avoakan’ny CENI izany ny mpanara-baovao. Anjaran’ny CENI, noho izany, no maka toerana na «position» tsy hisian’ny korontana eto Madagasikara. Tokony hijoro amin’ny maha rafitra andrin’ny lalàmpanorenana koa ny HCC satria mety betsaka ny andininy voahitsakitsaka ao amin’ny lalàmpanorenana. Tokony hijery izany amin’ny fo tsy miangatra ny HCC. Rehefa ny tombontsoam-pirenena no jeren’ny HCC dia tokony hampandeferina ny fitiavan-tena manokana, hoy hatrany ny antoko politika Fiombonana.
J. Mirija