hoy ny antoko politika Fiombonana. Izay, hoy ny sekretera jeneralin’izy ireo, Durlin Retogniane, no nahatonga ny vondrona iraisampirenena nitaky foana tamin’ny fitondrana hoe ahoana no fomba hahafahana manatsara ilay zotram-pifidianana? Ny fomba fikarakarana ny fifidianana sy ny fanatanterahana azy no tiana resahina amin’izany. Tafiditra ao ny mialoha sy mandritr’ilay fifidianana mba hahafahantsika misoroka ilay savorovoro aorian’ny fifidianana na «crise postélectorale». Ny fianakaviambe iraisampirenena aza mahatsapa hoe misy zavatra tsy mety anatin’ireo lalàna sy ny fikarakarana ilay fifidianana. Ahoana ary no tsy hahatsapantsika, indrindra, ry zareo eo amin’ny fitondrana, fa tokony ilaina izay zavatra izay. Amintsika miteny izao, noho izay tsy fihainoana, na io eo amintsika samy malagasy, na ireo fepetra sy fitakiana nataon’ireo vondrona iraisampirenena izay no mahatonga antsika amin’izao fotoana izao maheno fa misavovona ny fitoriana eny anivon’ny HCC mahakasika ireo tsy fanarahan-dalàna, na io mialoha ilay fampielezankevitra, na nandritr’izany, eny fa nandritry ny androm-pifidianana. Mampametra-panontaniana ankehitriny hoe anaty azo atokisana na «crédibilité» tanteraka ve izao ilay Fitsarana avo hamoaka voka-pifidianana? Sao sanatrian’ny vava hiahiahy izay vokatra avoakan’ny HCC eo ireo kandida izay nahatsapa tena fa tena nisy ireo fandikan-dalàna maro samihafa? Aza adino fa ny HCC izany dia tsy misy hiantsapazana hafa intsony. Io no tompon-teny farany amin’ny resaka fiazonana ny lalàmpanorenana na koa hoe mpanara-maso ireo fandikan-dalàna samihafa misy eto amin’ny firenena, hoy hatrany ny antoko politika Fiombonana.
J. Mirija
fa kosa tsy azo atao ny mangina sy mikipy eo anatrehan’izao fahapotehana maro lafy izao.
Tao anatin’ny herinandro latsaka kely nanombohan’ny Asa Maharitra ho an’Antananarivo na AMA
Tsy zava-baovao ny fihetsiketsehan’ny mpanao politika mialohan’ny fampielezan-kevitra tahaka izao,
Taorian’ny Kaominina Alasora Avaradrano dia fantatra fa efa ahitana ilay lalao maloto momba ny fifidianana
Feno herintaona ny nisian’ny vondron-kery manokana vonjy taitra GFSI (Groupement des Forces Spéciales d’Intervention)
Tsy fampanantenana sy toky fitaka hatrany no ilaina, asa no ilain’ny vahoaka fa tsy fampanantenana poakaty, hoy ny kandida Tahina Razafinjoelina ny sabotsy teo,