hoy ny filohan’izy ireo, Mihari-Ni-Rencho. Niomana koa amin’ny fifidianana ben’ny tanàna sy depiote ary izay fifidianana manaraka rehetra tokony ho atao eto amin’ny firenena satria vita ny lalao 2018. Tompon’antoka amin’izay zava-miseho sy korontana miseho rehetra eto ny HCC, CENI, mpitandro filaminana, mpanao politika, fiarahamonim-pirenena. Hitanay antoko Natiora fa tsy feno ny fepetra hanaovana fifidianana. Miova foana ny famaranana ny isan’ny mpifidy. Mahagaga fa ny lisi-pifidianana tamin’ny 2018 mbola betsaka fa amin’izao izay efa namboarina, araka ny nambaran’ny CENI izao indray, no hoe nilatsaka ny isan’ny mpifidy eto Antananarivo. Ho sokafana indray ve izany io lisitra io? Tsy voaantson’ny CENI izao ny antoko Natiora dia rehefa nanontany dia hoe baiko no nomena anay hoe ireto ihany no asaina. Tokony amboarina, diovina aloha ny kianja. Efa hitanao izao ve fa misy mangala-taona dia ho avela ihany? Tsy misy lalàna eto izao mamaritra ny hoe rahoviana no tokony hanomboka ny fampielezan-kevitra mialohan’ny fotoana na “précampagne”? Ohatrinona no vola tokony ho laniana? Rahoviana izany no amboarina? Tamin’ny herintaona no tokony efa nanovana izany saingy efa niteny moa ny governemanta fa tsy hanova. Fanovana rafitra no tokony alefa aloha! Olona mipetraka any ivelany ve no tonga eto, 6 volana mialoha, milaza azy ho gasy dia hoe hilatsaka? Vita ny fifidianana dia lasa mody indray izy dia isika malagasy tafajanona eto no mifamono eto fa izy any raha tonga ny korontana. Tsy ilaina aminay ny CENI sy HCC fa ny fitsarana ambaratonga voalohany na “tribunal de première instance” dia tokony hahavita an’io, hoy hatrany ny Natiora.
J. Mirija
Anisan’ireo fikambanana resy lahatra ny amin'ny vinan'ny Tahiana Razafinjoelina (TR) ny Tanora Miharisoa 67 ha
Mihamafy ny tsindry ho an’ny Fitondrana Rajoelina na efa mafy aza ny vesatra eo anatrehan’ny krizy ara-tsosialy
Mafampana hatrany ao Tsimbazaza ao anatin’izao fivoriana ara-potoana eo anivon’ny Antenimierampirenena izao.
Aok’izay, tsy atao sosety, tsy atao lafika izany intsony , tsy atao tohatra fiakaana izahay ambany tanana fa mila olona tena hitondra ny fanovana,
Ny fanotronan’ny filohan’ny Vaomieram-pirenena mahaleotena misahana ny fifidianana na CENI
Niditra amin'ny fivoriana ara-potoana nanomboka omaly 15 oktobra ny antenimierampirenena.