Asam-panjakana

ireo adminisitratera sivily. Anton’io ny tsindry maro samihafa mahazo ireo solontenam-panjakana indrindra fa avy amin’ireo olom-boafidy. « Mbola manan-kery ny filazana rehetra natao ny zoma 15 martsa, fa misy ny indro kely, rehefa nifandinika dia najanona ilay fampiatoana ny asa nokasaina hatao. Rehefa natao ny dinika, dia mbola tsy dia tafita amin’ny ambaratonga ambony samihafa ilay fanapahan-kevitra ka ahato anatin’ny fanambarana aloha ilay tsy fiasana. Mbola misy zavatra hodinihana miaraka, ka aorian’izay angamba vao handinika hoe : inona no hatao, fa ny fanamelohana rehetra mikasika zavatra nanjo mikasika ny solontenam-panjakana sy ny adminisitratera sivily rehetra, dia tazonina », hoy ny Sekretera Jeneralin’ny SYNAD Atoa Rabenandrasana Nicolas tamin’ny haino aman-jery. Raha hiverenana, milaza ho tratry faneriterena sy tsindry ary antsojay samihafa ireo adminisitratera sivily, toy ny: fanagadrana ny Prefen'i Toliara teo aloha izay namoizany ny ainy tany am-ponja mihitsy; fanagadrana ny Lehiben'ny Distrikan' Anjozorobe teo aloha izay mbola mamofompofona olom-boafidy ihany koa tao ambadika; fanagadrana ny Prefén'ny Mahajanga teo aloha izay miendrika antsonjay satria izy irery no nampidirina am-ponja raha toa ka ireo olona hafa nanao sonia sy nanatanteraka ny baiko ihany koa dia afaka; Ny antsonjay sy ny fanambaniana ny Lehiben'ny Distrikan'i Mahajanga faharoa, izay ataon'ny Solombavambahoaka; Ny fanenjehana sy fanendrikendrehana ary fandotoana ny Lehiben'ny Distrikan'i Soalala ho nanodikodina zaza tsy ampy taona ka namoronana dosie. Resaka fanolanana moa no naha voarohirhy an’io Lehiben’ny distrika io. Mbola vao haingana ihany koa ny famonoana tamin'ny fomba feno habibiana ny administratera sivily misotro ronono iray tao amin'ny Faritra Amoron'i Mania. Eo ihany koa ny antsonjay mikasika ny "abrogation politique" rehefa tsy mifanaraka amin'ny baiko sy ny adalan'ireo olom-boafidy sy mpanao politika sasantsany dia esorina amin'ny toerany ny solotenam-panjakana. Na izany aza, betsaka ihany koa ireo tranga maneho ny fipetrahan’ireo administratera sasany ho fitaovana politikan’ny mpanendry, ka fanontana mety hipetraka ihany koa ny hoe : tena hiady amin'ny tsindry bokatra sy antsojay marina ve aloha sa mifampiaro noho ilay "Esprit de corps" fotsiny ?
Toky R