Tsy manadino azy ireo fa mirary soa ho an’ny tsirairay izay tafavoaka tamin’iny fifidianana iny Rtoa Assanati Famo Gidraka mba hahefabe amin’ny adidy aman’andraikitra hankinina aminy. Ataontsika adin’ombilahy izany hoy izy ka ny naharesy tsy hobiana, ny resy tsy hakoraina. Ho an'ireo resy kosa dia mankahery azy ireo hanohy hatrany ny fandraisana andraikitra efa nataony Rtoa Assanati. Tsy natao ambanin-javatra nandritra izany ireo kandida vehivavy. Ho an’ireo lany soa aman-tsara dia nambarany fa lehibe ny dingana vitan’izy ireny satria ny Reny no fototra maha Firenena. Mahaleova mahalasana. Mahavita be amin'ny asa aman'andraikitra miandry anareo. Misy koa ny renim-pianakaviana nifaninana kanefa tsy tafavoaka. Mahereza hatrany fa aoriana mbola ho avy ny fandresena. Ho an'ny fetin'ny fahaleovantena dia miarahaba ny vahoaka Malagasy rehetra nahatratra ny faha 64 taona ny fahaleovantena izy. Arahabaina fa vita soa ny Asaramanitra. Nanamarihantsika iny fety iny ny fizarana vorona tamin'ireo Malagasy mpiray tanindrazana maro hoy Rtoa Assanati. Mikasika ny vaovao indray dia fantatra fa hivahiny ao amin'ny Rnm i Assanati Famo Gidraka ny sabotsy ho avy izao amin'ny fito Ora sy sasany hariva.
Pati
Legende : Rtoa Assanati Famo Gidraka, filoham-boninahitry ny Fikambanana Assanati Famo Gidraka !
fa kosa tsy azo atao ny mangina sy mikipy eo anatrehan’izao fahapotehana maro lafy izao.
Tao anatin’ny herinandro latsaka kely nanombohan’ny Asa Maharitra ho an’Antananarivo na AMA
Tsy zava-baovao ny fihetsiketsehan’ny mpanao politika mialohan’ny fampielezan-kevitra tahaka izao,
Taorian’ny Kaominina Alasora Avaradrano dia fantatra fa efa ahitana ilay lalao maloto momba ny fifidianana
Feno herintaona ny nisian’ny vondron-kery manokana vonjy taitra GFSI (Groupement des Forces Spéciales d’Intervention)
Tsy fampanantenana sy toky fitaka hatrany no ilaina, asa no ilain’ny vahoaka fa tsy fampanantenana poakaty, hoy ny kandida Tahina Razafinjoelina ny sabotsy teo,