Depiote IRMAR ao Tsaratanana

Roa isam-bolana ny olona very sy ataon’ny dahalo takalonaina ao amin’ny distrikan’ny Tsaratanana raha ny fitantaran’ny solombavambahaoaka voafidy tany an-toerana. Nanomboka ny volana desambra hatramin’izao fotoana itenenanana izao no nisian’izany. Hanao ahaoana izany ny volana Martsa sy ny ho avy ? Firy ny olona ho lasan’ny Dahalo ? hoy ny solomabavambahoaka Randriamalala Thonny. Miraviravy tanana tanteraka ny mponina ao amin’io distrika io satria tena manjakazaka ireo mpaka an-keriny. Tsy mifidy ihany koa izy ireo fa dia maka izay hitany. Tany aloha dia ireo olona heverina fa manan-katao no alainy ary tsy tafaverina velona raha tsy mandoa volabe. Amin’izao fotoana izao anefa dia maka izay tandrify azy ireo dahalo, eny hatramin’ireo olona sahirana tsy manan-katao aza dia tsy maintsy mamorona ny tsy misy handoavana ny vola takian’ireo olon-dratsy raha mbola te ahita ny Havany velona. Isan’izany ny tanga izay niseho ny 25 febroary tamin’ny 9 ora alina tao amin’ny fokontany Malamamaina ao amin’ny kaominina Brieville izay nakan’ny dahalo vehivavy iray. Ary nambarany fa olona sahirana ara-pivelomana ireo olona ireo. Araka avy tany an-toerana omaly efa taorian’ny resaka nataon’io depiote io, dia fantatra fa votsotra ilay renimpianakavina nalain'ireo dahalo tao Bevondrona kaominina Brieville taorian'ny fifampitifirana nisy teo amin'ireo dahalo sy ny mpitandro filaminana. Nilaza moa ny solombavambahoaka voafidy tao Tsaratanana Randriamalala Thonny fa efa nisy ny fifampiresahana tamin’ireo tompon’andraikitry ny fifandoana ny filaminana isan-tsokajiny nataony saingy mbola tsy misy vahaolana mazava natolotry ny Fanjakana hatreto. Mangataka amin’ny filoha sy ny Praiminisitra araka izany ny tenany mba hijery akaiky an’i Tsaratanana amin’io resaka tsy fandiampahalemana io. Tsy afa-manoatra ihany koa mantsy, hoy ity solombavambahaoaka ity ireo mpitandro ny filaminana any an-toerana noho ny tsy fahampian’ny fitaovana eo am-pelatanana. Mandeha an-togotra amin’ny lalana am-polony kilaometratra izy ireo satria ratsy sy tsy ahafahan’ny fiara mandeha ny lalana anarahana ireo dahalo mpaka ankeriny. Tsy tonga any amin’ny tanjona akory dia tsy maintsy miverina satria lany ny vatsy. Tsimaintsy miantehitra amin’ny vahoaka ihany ko aizy ireo amin’ny fanarahan-dia satria vitsy an’isa sy tsy ampy fitaovana raha oharina ami’ireo dahalo. Solotiana

Na ny olom-boafidy lany tamin’ny loko politikan’ny Fitondrana aza izany ankehitriny vaky vava fa tsy mandry fahalemana ny tany, ka tsy ny manan-katao ihany no lasibatra fa hatramin’ny vahoaka madinika sy mahantra. Toe-javatra manamafy ny famakafakana efa nentina teto, fa ny begalona mitombo kanefa ny tsy fandriampahalemana vao mainka miha mahery vaika