Dr Fidy Bariniaina

raha ny vokatra navoakan’ny CENI, hoy ny kandida depiote tao an-toerana, Dr Fidy Bariniaina. Hitako, hoy izy, ireny fanamarihana amin’ny tambazotra ireny nilaza fa ny tenako nialoha sy nandritry ny fifidianana dia nizara zavatra ho fanodinana ny sain’ny olona hifidy ahy. Nizara zavatra daholo ny kandida rehetra. Raha manome fampisehoana namoriana artista maimaimpoana, ohatra, ny kandida iray dia efa naman’ny nizara zavatra izay. Niarahantsika nahita koa ireny fizarana fanamiana na T Shirt sy koveta ary zavatra maro ireny. Mitovy daholo no dikan’izay ny kandida rehetra. Nisy koa ny filazana fa nizara vola isan-tokantrano manerana ny distrika izahay. Hoy aho hoe tena mba mahagaga koa izany. Aiza no hananana vola ho zaraina isan-tokantrano ao amin’ny distrikan’i Manjakandriana? Nisy niteny koa hoe nizara vola 200.000 Ariary, raha tsy diso aho, isaky ny biraom-pifidianana izahay. Biraom-pifidianana maromaro no voatonona. Isany ny tao Sadabe, Ankazondandy, Ambohitrimahitsy sy ny maro samihafa. Misy biraom-pifidianana miisa 20 mahery avy amin’ireo kaominina ireo. Ahoana no ahafahana mizara volabe ohatran’izany amina biraom-pifidianana be dia be toy izany? Misy olona be dia be ao amin’ny biraom-pifidianana ao ary tsy avy aminay daholo. Hanaiky izany ve ny olon’ireo mpifaninana. Tsy izahay no mifantina ny olona anatin’ireny birao ireny. Ny lesona voaray moa izany dia hoe izay izany no politika eto Madagasikara. Fomban-javatra izany ary vao mainka mampatsiro azy ny fanenjehana anay toy izany. Tsy handray fepetra aho na dia teo aza ny fanalam-baraka imasom-bahoaka nihatra tamiko. Tena hiteny amin’izay kosa aho, raha sanatria mivadika ny valim-pifidianana avoakan’ny HCC satria midika izany fa tandindonin-doza ny demokrasia eto amintsika. Hanaratsy endrika ny fitondrana ny fitsimbadiky ny vokatry ny HCC izany, hoy hatrany ny tenany, satria ho an’ny be sy ny maro dia ny fitondram-panjakana hatrany no manomana fifidianana.
J. Mirija