hanatitra dosie teny amin’ny HCC Ambohidahy omaly. Napetany ny raoby fotsy maha mpiandry azy mialohan’ny hidirana ny vavahadin’ny fitsarana avo momba ny lalàmpanorenana. Nony tafiditra tanatin’ny toerana indray ny lehilahy dia nandroaka devoly eraky ny tokontany mandra-piditra ny trano nandraisana ireo antotan-taratasy ary dia nandoalika nanoloana ireo tomponandraikitra sy nanakipy maso nivavaka tamin’ny andriamaniny nialohan’ny niatrehany ireo tomponandraikitry ny fitsarana nandray ireo dosie. Rehefa nivoaka izy dia mbola nandohalika nivavaka nanoloana ny varavarana fivoahana indray. Asehonay mihitsy fa tsy menatra izahay mampiseho ny maha Kristianina anay, hoy ity kandida, ity nony niatrika mpanao gazety nialohan’ny hivoahany indray ny HCC. Izany, hoy izy, no Kristianina manao politika. Tsy eto amin’ny HCC no misy devoly fa eto amin’ny firenentsika. Tsy maintsy feno ny dosie. Matoa manao dia vonona. Nomen’Andriamanitra ahy ny fanalahidin’i Madagasikara dia tsy afaka mipetraka aho fa tsy maintsy mandeha. Manome toky aho fa ho afaka i Madagasikara. Tonga ny fotoana, ho afahana i Madagasikara. Ho esoriko eo ambany vahohon’ireo satanika sy mafia i Madagasikara. Ho roahiko hiala eto ny sinoa sy ny karana, frantsay sy ireo milaza azy ho mpamotika ny firenentsika ireo raha manaraka an’i Eliace Ralaiarimanana ny vahoaka, hoy hatrany ity kandida ity.
J. Mirija
fa kosa tsy azo atao ny mangina sy mikipy eo anatrehan’izao fahapotehana maro lafy izao.
Tao anatin’ny herinandro latsaka kely nanombohan’ny Asa Maharitra ho an’Antananarivo na AMA
Tsy zava-baovao ny fihetsiketsehan’ny mpanao politika mialohan’ny fampielezan-kevitra tahaka izao,
Taorian’ny Kaominina Alasora Avaradrano dia fantatra fa efa ahitana ilay lalao maloto momba ny fifidianana
Feno herintaona ny nisian’ny vondron-kery manokana vonjy taitra GFSI (Groupement des Forces Spéciales d’Intervention)
Tsy fampanantenana sy toky fitaka hatrany no ilaina, asa no ilain’ny vahoaka fa tsy fampanantenana poakaty, hoy ny kandida Tahina Razafinjoelina ny sabotsy teo,