Fifidianana kaominaly

teo aloha izany dia notazomina ny datin’ny 11 desambra 2024 hanatontosana ny fifidianana kaominaly eto amin’ny tanin’ny repoblikan’i Madagasikara. Voaresaka tao anatin’izany moa ny fampiharana ireo didim-panjakana maromaro avy eo anivon’ny minisiteran’ny atitany toy ny mikasika ny anto-bola ho an’ny lisitr’ireo kandida hahafahana manonta ireo biletam-pifidianana sy ny mikasika ny fahafaha-mamerina ny lany ho an’ireo kandida. Eo koa ny didim-pitondrana mikasika fampiantsoana mpifidy, ny mikasika ny fikarakarana izany fifidianana kaominaly sy monisipaly izany, ny mikasika ny antotan-taratasy tokony ho fenoin’ireo kandida. Manoloana ny zava-misy, toy ny mbola tsy fitsanganana araka ny tokony ho izy ny governemanta Ntsay nefa moa, dia mipetraka ihany ny fanontaniana, eny fa na dia didim-pitondrana aza no nivoaka, hoe tena ho voatazona hatramin’ny farany ve ny daty sa mbola mety hisy fihemorany ihany? Mbola mampametra-panontaniana etsy ankilan’izay foana koa ny mikasika ireo vary mangatsiaka momba ity fifidianana kaominaly ity, izany hoe ireo kaominina sasany izay tsy nanatontosana izany fifidianana ben’ny tanàna izany mihitsy hatramin’ny farany. Navela tamin’izay toe-draharaha nisy azy izay hatramin’ny farany tokoa ve moa izany izy ireny? Ho hita eo indray ny tohiny mandra-piverin’ny filoham-pirenena nandeha nitsangatsangana any nefa ny eto ambony ambany, hoy ny fomba filazan’ny mpanao politika sasany azy tato ho ato izay.
J. Mirija