izao, izay manamafy ireo ahiahy samihafa amin’ny tsy fahadiovan’izany. Sesilany ny tsikera momba ny fandokoana ireo mpiasam-panjakana sy ny raharaham-panjakana amin’ny loko politika. Anisan’ireny ny tontolon’ny fampianarana, izay tsy misy tahotra sy henatra mihitsy ny tompon’andraikitra sasany miankanjo ny loko volomboasary misy ny lokona kandida. Lehiben’ny fari-piadidiam-pampianarana roa no isan’ny notsikafonin’ny olona tamin’ny tambajotran-tserasera ny faran’ny herinandro teo ka ny iray tany Toliara, ny iray teto Antananarivo Renivohitra, ary misy Talen’ny sekolim-panjakana iray ihany koa tany Antalaha. Misy ny antsoina hoe : « devoir de réserve » ho an’ny mpiasam-panjakana, ary eo ihany koa ny tsy fiandaniana na « neutralité », ary ny andininy faha-39 amin’ny lalàmpanorenana dia milaza mazava tsara fa iantohan’ny fitondram-panjakana ny tsy fiandaniana ara-politika eo amin’ny fitantanan-draharaham-panjakana, ny tafika, ny fitsarana, ny fampianarana,… Io anefa ny sary mitranga, ary tsy vitan’izany fa mandeha ny tsindry maro samihafa amin’ny fanerena ireny mpiasam-panjakana ireny amin’ny fanohanana kandida. Mandeha ny fandrahonana toy ny famindran-toerana, fakana ny fitaovana ampisaina, fa eo ihany koa ny endrika fanambazana samihafa. Ny any amin’ny fampianarana io, fa mitombona sy azo eritreretina ny hisiany any amin’ny fitantanan-draharaham-panjakana samihafa. Raha manao fampitahana kely anefa dia tsiahivina fa filazana ho fampiasana ny Plaza tamin’ny politika no nezahin’ny Minisiteran’ny fanabeazam-pirenena nanapaka ny fifanarahana maharitra nataon’ny mpandraharaha nanajary azy, izay lasa kandida filoham-pirenena tato aoriana. Ny fampianarana mandoko ao anaty efitrano fiandaniana politika fa ny fandokoana tranom-panjakana amin’ny lokon’antoko, ny mpampianatra salorana akanjona kandida,… fanarahan-dalàna ve ? Fifidianana madio sy milamina ary eken’ny rehetra inona no ho vanona ao anatin’izany?
Toky R
fa kosa tsy azo atao ny mangina sy mikipy eo anatrehan’izao fahapotehana maro lafy izao.
Tao anatin’ny herinandro latsaka kely nanombohan’ny Asa Maharitra ho an’Antananarivo na AMA
Tsy zava-baovao ny fihetsiketsehan’ny mpanao politika mialohan’ny fampielezan-kevitra tahaka izao,
Taorian’ny Kaominina Alasora Avaradrano dia fantatra fa efa ahitana ilay lalao maloto momba ny fifidianana
Feno herintaona ny nisian’ny vondron-kery manokana vonjy taitra GFSI (Groupement des Forces Spéciales d’Intervention)
Tsy fampanantenana sy toky fitaka hatrany no ilaina, asa no ilain’ny vahoaka fa tsy fampanantenana poakaty, hoy ny kandida Tahina Razafinjoelina ny sabotsy teo,