Fifidianana tsy tomombana

niainana teto amin’ny firenena hatramin’ny taona 1971 no ho nankaty, rehefa iverenana ny akon’ireo tantaram-pirenena. Hala-bato, hoso-pifidianana, fanodinkodinana safidim-bahoaka, voambolana manako hatrany izany tao anatin’ireo fifidianana rehetra nifanesy na resaka filoham-pirenena io na solombavambahoaka na ben’ny tanàna na inona na inona. Ny tamin’iny fifidianana kaominaly 2024 iny moa no voalaza fa be tsy fahatomombanana indrindra. Samy nitanisa izany avokoa na sehatra iraisampirenena na fiarahamonim-pirenena na vondrona politika, hatramin’ny seha-pivavahana. Mbola manana hatramin’ny 24 janoary, raha ny tokony ho izy, raha ny lalàna mikasika ny fifidianana izany no jerena, ireo tsy afa-po rehetra ka manan-ko toherina manoloana izay vokam-pifidianana izay. Na izany na tsy izany dia andrasana hatrany nefa ny mety ho fivoaran’ny raharaham-pirenena fa ny heverina fa marina tsy azo lavina kosa anefa ao anatin’izany rehetra izany dia ny hoe maha ratsy fidy na hoe «mal élu» ireo olom-boafidy hatrany izay fifidianana tsy tomombana tsy mety voadio eto amin’ny firenena hatramin’izao izay, raha tsy hilaza afa-tsy ny fahalainan’ireo olompirenena mandray anjara amin’izany fifidianana izany fotsiny, izay mbola tsy mety mahatratra ny atsasa-manila ihany na lahoana vao mahatratra izany ny taha-pahavitrihany na dia eo aza ireo voalaza ho fanaovana hosoka samihafa toy ny resaka «doublon» na verindroa ao anaty lisi-pifidianana sy ny resaka «ordonnance» na fanovonana izany lisitra izany.
J. Mirija
( Sary fanehoana)