Fitondrana Rajoelina

niainga tamin’ny volavonan-kevitra natolotr’i Ukraine indray ny Firenena Mikambana tamin’ny fiandohan’ity herinandro ity. Firenena 93 no naneho safidy mivantana nanao eny nanameloka an-dry zareo Rosianina ka anisany ireo Firenena Eoropeanina toa an’i France, Allemagne sy ny namany. Anisan’ny nisafidy ny eny taty Afrika ry Côte d’Ivoire, Nigeria, Egypte, Firenena 18 kosa no nitsipaka ka lohalaharana amin’izany i Etazonia, Israel, Burkina Faso, Niger, Soudan,… Firenena 65 kosa no tsy nifidy ka anisany i Rwanda, Afrika Atsimo, Chine, Angola,… Ho an’i Madagasikara manokana, tsy hita karatra hoe tao amin’ny sokajin’izy satria tsy misy fanasokajiana mazava, izay midika aloha fa tsy nandray anjara. Nametraka indray ny politikan’ny tsy mitanila mba tsy te ho ratsy amin’ny atsy sy aroa satria novoizina foana rahateo hatramin’izay ny hoe : diplaomasia ara-toekerana misokatra amin’ny rehetra. Isan’ny antony natao fitaovana nanesorana ny Minisitry ny raharaham-bahiny teo aloha Richard Randriamandranto ny nanaovana safidy nanameloka an’i Russie ny oktobra 2022, kanefa taty aoriana narotsaka ho kandida ho Filohan’ny Vaomieran’ny Vondrona Afrikanina. Tsy te ho ratsy eo anatrehan’ireo Firenena mifehy ny rafitry ny mpamatsy vola mahazatra ny Fanjakana Rajoelina sady tsy te ho very fihinanana amin’ny Rosianina sy ireo mpiara-dia aminy. Tsapa sy tsikaritra rahateo ny fanaovana pi-maso amin’ny Rosianina, ka vao iray volana lasa ohatra izay, dia nisy ny fanambarana niraisana teo amin’ny Fanjakana Malagasy sy i Rosia nanao fanehoam-pahavononana manoloana ny fihazakazahana ara-stratejika mba tsy fitaovam-piadiana eny an’habakabaka mba hananana habakabaka izay nambara fa tafiditra amin’ny fanatanterahana ny fanapahan-kevitry ny fivoriam-ben’ny Firenena Mikambana ny faha-06 desambra 2023. Vao tsy ela ihany koa no nanamafy ny fiaraha-miasa ara-parlemantera ny Firenena roa tonta. Ny Tandrefana ihany koa anefa tsy azo havela na manao tsindry samihafa mikasika ny ady amin’ny kolikoly, fanajana ny demokrasia,… Hatry ny ela ny niandrandrana ny 103 tapitrisa dolaran’ny Tahirimbola iraisam-pirenena na ny FMI amin’ny alalan’ny FEC (Facilité Elargie de Crédit) sy ny 100 tapitrisa dolaran’ny Banky Iraiam-pirenena. Vokany, mandeha ny pimaso amin’ny arabo, sinoa,… ka vao tsy ela ny nivoizana fa vonona hitondra 10 miliara dolara ny arabo amin’ny sehatry ny ranomasina, angovo,... Tena hahazo vola mahafa-po ve ? Mety varotra tanindrazana mivantana na ankolaka sy harem-pirenena no setriny. Rehefa tena zohiana anefa, tsy dia misy vokatra tena tsapa mivaingana sy mivantana amin’ny Firenena fa betsaka ny manjavozavo.
Toky R