Front de libération national

reny no ataonareo aminy ihany koa!» ny nahazo ny filoham-pirenena, izay nambara ho tratry ny fanapoizinana ara-tsakafo, hoy ny antoko politika FLN na Front de libération national. Fampitodihan’Andriamanitra ny filoham-pirenena amin’ny ataony amin’ny madinika eto amin’ny firenena no nahazo azy, hoy ny filohan’izy ireo, Iada Jean Pierre. Mba sakafo tany amina hotely lehibe no nankarary ny filoham-pirenena sy ny vadiny, hoy izy, niaraka tamin’ireo olona voalazany ho niara-tratran’izany. Fampitodihan’Andriamanitra azy izany hoe mba jereo ireo madinika fa mihinan-kanina eny amin’ny fako! Efa karazan-kanina fako no hohaniny satria vary mamovoka afaranareo avy any ivelany. Vary lo am-pitoerana izay hita miparitaka etsy sy eroa. Sakafo miparitaka izay hita fa lany daty ny ankamaroany amin’ireny fivarotana samihafa ireny. Andraikitry ny fanjakàna daholo no mikarakara izany rehetra izany. Ampitodihan’Andriamanitra izy hijery ireo hena hohanin’i malagasy. Fantantsika fa na ny abatoara hamonoana azy tsy zarizary, na ny fitondràna azy tsy fantatra eny an-tsisin-dalana rehetra eny. Entina amin’ny gony, scooter, sarety, taksibe, amidy eny an-tsena, hohanin’ny vahoaka malagasy. Izany rehetra izany dia fampitodian’Andriamanitra hoe tandremo fa ny ataonao amin’ireo madinika ireo dia ataonao amiko koa! Mila jereny izany. Mila ampiasainy ny minisitera rehetra fa tsy tokony ho ilay hotely nanao ny sakafony no nakatony satria tsy ilay fanaovana an’ilay sakafo no nahatonga ilay fahapoizinana fa ny fihavian’ilay sakafo izay voalaza teo hoe tsy zarizary. Tahakan’ny tany tsy misy fanjakàna eto satria izay sakafo tiana amidy eny an-tsena eny dia avela amidy eny daholo nefa ny hotely rehetra eto Madagasikara dia eny an-tsena eny daholo no miantsena ireo fatin-kanina ireo. Fampitodihan’Andriamanitra ny filoham-pirenena hijery ny madinika no nahazo azy! Mikasika ny raharaha ao Tsiandrana, Bekily dia endrika iray mampiseho ny tsy fahatomombanan’ny fifidianana teto amin’ny firenena ireny satria samy mpanaradia ny fitondràna ireo miady ireo. Na ilay lany ben’ny tanàna io na tsia kanefa dia samy tsy manaiky izy ireo fa milaza ilay fifidianana ho tsy ara-dalàna. Efa ny mpitondra sy mpiaradia aminy amina faritra maro mihitsy no miaiky fa tena tsy zarizary ny fifidianana natao ka noho izany, raha ny tena tokony ho izy dia foana avokoa ny fifidianana rehetra nanerana an’i Madagasikara, hoy hatrany ny FLN.
J. Mirija