Lalaina Rakotomavo

Tonga nanatontosa izay adidy maha olompirenena izay tetsy amin’ny EPP Ambodiafotsy moa ny tenany omaly tolakandro, tamin’ny 11 ora sasany. Ny tena faniriana, hoy izy, dia ho tanteraka tsara hatramin’ny farany izany fifidianana izany ary tena hanjakàn’ny fahamarinana sy mangarahara ka aoka ho ny tena safidim-bahoaka no hiseho! Somary miovaova ihany ny fahavitrihan’ireo mpifidy, arakaraky ny toerana, raha ny hita maso aloha. Misy toerana tena betsaka ary misy somary vitsivitsy. Inoana nefa fa mbola ho maro no hoavy mandra-paharivan’ny andro. Tena efa nisy, tetsy ankilan’izay, ny atao hoe tranga hafahafa tao anatin’izao fotoam-pifidianana izao saingy aleo angamba aloha handeha ny fanadihadiana mikasika ny tena zava-misy. Tsapa teo ny tsy fanarahan-dalàna ka aleo aloha andeha tsara ny fanadihadiana. Andrasana ny tatitra feno sy lalina, hoy hatrany ity kandidà ity.
J. Mirija