Firaisankinan’ny Tia tanindrazana na FTT, antoko politika Anjomara sy rivo-baovao na ARB, antoko politika Tiako i Madagasikara na TIM, Malagasy miara-miainga na MMM, vovonana politika sy fikambanana ary antoko politika maro mitotaly 12 isa fa mampivarahontsana ny fivoaran’ny toe-draharaha mifandraika amin’ny fampiharana lalàna sy ny politika eto Madagasikara amin’izao fotoana izao. Melohinay tanteraka, hoy izy ireo, ny fanapahan-kevitry ny fitsarana avo momba ny lalàmpanorenana na HCC izay manaiky ny firotsahan’ny filoham-pirenena farany teo Andry Rajoelina amin’ny fifidianana atao ny 9 novambra izao indray. Nodinganin’ny HCC ihany koa ny andininy faha 67 amin’ny sata mifehy ny zom-pirenena malagasy, izay manery azy hanome ny antotan-taratasy mifandraika amin’izany ho dinihin’ny tribonaly miadidy izany na “tribunal de première instance” eto Antananarivo. Tribonaly, hany tokana mahefa hitsara momba ity raharaha mahakasika zom-pirenena ity. Melohinay marindrano koa ny fanapahan-kevitry ny HCC izay nanaiky ny taratasy fandavan’ny filohan’ny antenimieran-doholona ny toerana maha filoham-pirenena mpisolo toerana. Miendrika fanonganam-panjakana anaty na fanonganana andrim-panjakana niraisan’ny praiminisitra sy HCC tsikombakomba izany. Melohinay toy izany koa ny fanomezana ny governemanta hiaraka hitantana ny firenena ho takalon’izany. Takiana ny fanoloana ireo mpikambana miisa 9 eo anivon’ny HCC, noho izany, satria notendrena hiaro toy ny anak’andriamaso ny lalàmpanorenana izy ireo saingy nanolana izany tamin’ny fomba maha menatra, hoy hatrany ny Fivondronamben’ny malagasy manohitra ny jadona ao am-pitan-dranomasina ao.
J. Mirija
Anisan’ireo fikambanana resy lahatra ny amin'ny vinan'ny Tahiana Razafinjoelina (TR) ny Tanora Miharisoa 67 ha
Mihamafy ny tsindry ho an’ny Fitondrana Rajoelina na efa mafy aza ny vesatra eo anatrehan’ny krizy ara-tsosialy
Mafampana hatrany ao Tsimbazaza ao anatin’izao fivoriana ara-potoana eo anivon’ny Antenimierampirenena izao.
Aok’izay, tsy atao sosety, tsy atao lafika izany intsony , tsy atao tohatra fiakaana izahay ambany tanana fa mila olona tena hitondra ny fanovana,
Ny fanotronan’ny filohan’ny Vaomieram-pirenena mahaleotena misahana ny fifidianana na CENI
Niditra amin'ny fivoriana ara-potoana nanomboka omaly 15 oktobra ny antenimierampirenena.