Zovy ny olom-pirenena tsy ho liana manoloana ny zotram-pifidianana ? Misy ny tsy fitoviam-pijery amin’ireo mpifaninana izay tonga hatrany amin’ny fidinana an-dalambe ny fitakiana vahaolana, hoy ny ampahan-tenin’ny Filohan’ny Antenimierampirenena Rtoa Christine Razanamahasoa omaly nandritra ny fanokafana ny fivoriana ara-potoanan’ny Antenimierampirenena. Nahitsy izy nilaza fa tandindonin-doza ny firenena, ary tsy azo hodian-tsy hita ny hetsika atsy sy ny tabataba atsy sy aroa, ao ny fitakiana maro samihafa ataon’ny andaniny, ary ao ny finiavana hiroso ataon’ny ankilany. Sarotra ny toe-draharaha, ary mikintoantoana ny làlana hizorana hahatongavana amin’izany, koa manoloana ny fizirizirian’ny andaniny sy ny ankilany, na teo aza ny fanelanelanana sy ny soso-kevitra teto an-toerana sy avy any ivelany: FFKM, ONU, SADC, OIF, Frankofonia, Firaisamonim-pirenena,… mba hialana amin’ny patsa iray tsy omby vava izay mety tsy ho fantatra ny hiafarany sy ny hasehon’ny rahampitso, dia niantso fandaminana ny toe-draharaha ny tenany. “Amin’izao dia iainantsika ny atao hoe: “impensé juridique”, ka miantso hoe: aleo misoroka toy izay mitsabo, ary tsy tokony hifandrafy ny Malagasy izay manana ny soatoavina fihavanana”, hoy io Filohana andrim-panjakana io. Raha hazavaina tsotsotra, dia milaza izy fa tena tsy tan-dalàna intsony, ary tsy voafehin’ny lalàna misy, izay miteraka tsy fahamarinan-toerana sy olana goavana. Miantso fifanatonana sy fifampiresahana ao anatin’ny fifanajana sy fandalana ny soatoavina noho izany ny tenany, izay nanipika fa tsy midika fa fa resy sy ambany ny mifanatona, ary tsy midika fa diso na resy ny fihaikena ny fahadisoana na ho an’ny andaniny na ny ankilany. Atsaharo, hoy izy, ny fifandranitana izay tsy hitondra fandrosoana sy fitoniana, ary aoka hiverina amin’ny filaminana. Mangataka ny Vondrona iraisam-pirenena tsy itazam-potsiny fa hamaha ny olana politika eto Madagasikara ny Filohan'ny Antenimieram-pirenena Christine Razanamahasoa. Efa nanelanelana avokoa na Fiangonana na fiarahamonim-pirenena fa tsy voavaha ny olana, araka ny nambarany.
Toky R
Anisan’ireo fikambanana resy lahatra ny amin'ny vinan'ny Tahiana Razafinjoelina (TR) ny Tanora Miharisoa 67 ha
Mihamafy ny tsindry ho an’ny Fitondrana Rajoelina na efa mafy aza ny vesatra eo anatrehan’ny krizy ara-tsosialy
Mafampana hatrany ao Tsimbazaza ao anatin’izao fivoriana ara-potoana eo anivon’ny Antenimierampirenena izao.
Aok’izay, tsy atao sosety, tsy atao lafika izany intsony , tsy atao tohatra fiakaana izahay ambany tanana fa mila olona tena hitondra ny fanovana,
Ny fanotronan’ny filohan’ny Vaomieram-pirenena mahaleotena misahana ny fifidianana na CENI
Niditra amin'ny fivoriana ara-potoana nanomboka omaly 15 oktobra ny antenimierampirenena.