Mihari-Ni-Rencho

kaominaly ary tsy omeny izany indrindra koa i Antananarivo renivohitra, hoy ny antoko politika Natiora. Efa fantatra koa, hoy ny filohan’ity antoko ity, Mihari-Ni-Rencho, fa hanao ny ataony izy satria ny fitaovana rehetra am-pelantanan’ny fitondràm-panjakàna. Mbola niezaka nandray anjara ihany, hoy izy, nefa izay nandray anjara. Manana ny heritreretiny izy. Hita taratra koa tamin’ilay nisy kandidà saika hitambatra. Midika izany fa nisy nifanarahana tao na misy mpanohitra iraisana. Izay no mahatonga ahy milaza hoe anton’ny tsy nandraisan’ireo antoko vaventy sasany tsy nandray anjara tamin’ireo fifidianana nandeha teo. Izay koa no mahatonga azy ireo tsy mihetsika amin’ny resaka valim-pifidianana satria tsy mikasika valim-pifidianana no antony hihetsehan’ireo fa resaka fitondràna tsy mandeha ara-dalàna eto Madagasikara no hihetsehan’ny fanoherana. Mitady marimaritra hatreto ny fanoherana. Mitady fanambarana hery. Iombonan’ny fanoherana rehetra ny fiaikena fa tsy mandeha ny fitantanana ny firenena. Fomba hanambarana hery tsy hitsitokotokoana sisa tadiavina. Ny vahoaka io raha hidina an-dalambe dia hitaky ny hamahana ny delestazy na rano tapaka na fidangan’ny vidim-piainana fa tsy hoe hanongana ny filoham-pirenena. Tokony hanampy azy izany ny tafika ary handamina izay hetsika ataony izay. Mandamina ny hetsika ataon’ny vahoaka no tokony ataon’ny tafika fa tsy mampihorohoro azy, hoy hatrany ny tenany.
J. Mirija