tamin’ny Biraom-pifidianana miisa 10000, raha ny tatitra nataon’izy ireo omaly. Ny vokatra voalohany mahakasika ny fizotran’ny fifidianana omaly hatramin’ny 12 ora atoandro niainga tamina santionana biraom-pifidianana miiisa 1400 miparitaka ao anatin’ny faritra 23 manerana an'i Madagasikara, dia nisongadina fa ambany ny taham-pahavitrihana tamin’ny fizotry ny fifidianana filoham-pirenena tamin’ity 2023 ity. 22,4% ny tahan’ny olona tonga nandatsa-bato voamariky ny SAFIDY hatramin’ny 12 ora antoandro raha 44% izany tamin’ny fihodinana voalohan’ny fifidianana filohampirenena 2018. Ho an’ny Faritanin’Antananarivo no ambany indrindra ny taham-pandraisana anjara tamin’io (Itasy 11,2%, Bongolava 13,0%, Vakinakaratra 15,2%, Analamanga 15,3%. Ny Faritra Androy kosa no ambony indrindra tamin’io tatitra Vonjimaika io, izay 42,5%, Fitovinany 32,2%. Izany dia maneho ny fihenan’ny fahalianan’ny olom-pirenena amin’ny fandatsaham-bato, hoy ny SAFIDY. Hatramin'ny ora nanaovana fanambarana tokony ho tamin’ny 7ora hariva, dia nahatratra 189 ny fanairana voaray tamin’ny laharana maitso ka noraisin’ny foibe manao andrimaso an-tanana, hoy ny tatitra. Araka ny efa voalaza tao anatin’ny fanambaràna voalohany dia mbola nanamarika hatrany ny SAFIDY ny fisian’ny : Tsy fahatomombanana eo amin’ny fampiharana ny rindran-damina ireo mpikambana amin’ny biraom-pifidianana ; Nitombo isa ireo tranga famelàna hifidy ireo olona tsy nanana ny antontan-taratasy feno nilaina amin’izany ; Nisy ihany koa ireo mpifidy izay manana kara-pifidianana na/sy sosy fanamarinana ny fisoratana anarana nefa tsy hita ao anatin’ny lisim-pifidianana. Ankoatra izay dia voamarika ihany koa ny tranga maromaro fanakatonana vetivety ny biraom-pifidianana, hoy ny tatitra. Nahitana delege ana kandida daholo ireo biraom-pifidianana kanefa voamarika ny tsy fahatongavan’ireo delegen’ny mpikambana ao amin’ny “collectif des candidats”. Tsy ahafahan’ny SAFIDY mamakafaka ny fiantraikan’izany eo amin’ny fandatsaham-bato anefa ny angon-kevitra voaray amin’izao ora hitenenana izao, ka mbola hisy fandinihana lalindalina kokoa hatao aorian’izao fanambarana izao, hoy izy ireo. Nanamarika ny SAFIDY, fa ny fanaraha-maso ataon’izy ireo tohanan’ny Vondrona Eoropeanina ara-bola, ka ny votoatin’ny fanambarany dia andraikiny sy ireo fikambanan’ny firaisamonim-pirenena : AIM, PFNOSCM-Vohifiraisana, DRV, YMCA, FTMF, CEDII, MSIS TATAO, ONG Ravintsara, ONG Ivorary sy Alliance Voahary Gasy, kanefa tsy azo heverina ho maneho ny fomba fijerin’ny Vondrona Eoropeanina.
Toky R
fa kosa tsy azo atao ny mangina sy mikipy eo anatrehan’izao fahapotehana maro lafy izao.
Tao anatin’ny herinandro latsaka kely nanombohan’ny Asa Maharitra ho an’Antananarivo na AMA
Tsy zava-baovao ny fihetsiketsehan’ny mpanao politika mialohan’ny fampielezan-kevitra tahaka izao,
Taorian’ny Kaominina Alasora Avaradrano dia fantatra fa efa ahitana ilay lalao maloto momba ny fifidianana
Feno herintaona ny nisian’ny vondron-kery manokana vonjy taitra GFSI (Groupement des Forces Spéciales d’Intervention)
Tsy fampanantenana sy toky fitaka hatrany no ilaina, asa no ilain’ny vahoaka fa tsy fampanantenana poakaty, hoy ny kandida Tahina Razafinjoelina ny sabotsy teo,