Politique

nanamafy ny sonia efa nataon’ny Sekretera Nasionaly teo aloha, ka naneho fa manaja ny soatoavin’ny fihavanana io antoko io. Nambarany kosa, fa raha zavatra hita dia ohatran’ny te hisy krizy ity fifidianana ity. Iaraha-mahalala, hoy izy, ny olana momba ny CENI, ny fahaleovantenan’ny CENI, HCC, ny zom-pirenen’ny Filoha, tsy fahampiam-bola, tsy fahafahana maneho hevitra an-kahalalahana, ka izany rehetra izany no mety hiteraka krizy, ka izay no mahatsara ny fametrahan’ny antoko rehetra ny hambom-pony, ka mametraka ny fihavanana. Nilaza I Siteny Randrianasoloniaiko fa manahirana ny zavatra natao sonia, tahaka ny fifanarahana rehetra, saingy nohitsiany fa raha misy ny krizy dia avy amin’ny Filoha ankehitriny Andry Rajoelina. “Tonga dia teneniko mahitsy, enga anie tsy hisy fanafintohinana avy amin’ny fiitondrana. Izay ihany angamba no mety hanimba izay zavatra izay satria raha tsy diso aho ohatran’ny tsy misy antokon’ny fitondrana TGV nanao sonia teo. Izay indrindra no ahiana, kanefa aza hadinoina fa ny 2018 saika handalo krizy isika, matoa nisy ny depiote 73, nisy fifanarahana fanovana governemanta, nisy krizy fa isaorana ny Prezida teo aloha nandefitra na dia izy aza no nipoirany na tiana na tsy tiana, saika hosakanana ny kandida roa fa nandefitra izy. Ny Filoha Ravalomanana dia nandresy teto Antananarivo 75%, eo amin’ny 1,2 tapitrisa latsaka ny vatony teto. Ny krizy sy korontana rehetra teto Madagasikara anefa hatrizay avy teto Antananarivo ny ankabeazany, kanefa nandefitra izy na nisy azan y “doublons””. Raha misy krizy dia miankina amin’ny Filoha ankehitriny Andry Rajoelina satria izy no filoha, ny rehetra no nanasonia, fa ny antokony tsy teo. Raha tiany hisy krizy io dia misy krizy, raha tsy tiana hasiana dia tsy misy”, hoy I Siteny Randrianasoloniaiko. Nanamafy ihany koa ny tenany fa misy ny fanasarotana ny antontan-taratasy filatsahan-kofidiana. Ny kandida rehetra vonona, eo amin’ny 15 eo no hitako efa vonombonona, fa ny fitondrana no tsy vonona, hoy izy. Misy izao efa vonona handoda ilay 200 tapitrisa Ar fa ny Fanjakana no tsy vonona, ilay taratasin-ketra 211bis nohasarotina,… Tsy ny kandida no tsy vonona sy tsy te hanara-dalàna, fa ny Fanjakana mihitsy no tsy no vonona, very iray andro ny kandida ka hampitomboana iray andro ihany koa ve ny fe-potoana hametrahana ny filatsahan-kofidiana. Firenena no resaka, fifidianana ho Filoha io, ka tsy tokony hatao goragora, hoy I Siteny Randrianasoloniaiko.
Toky R