Soalihy Moussa

hoy ny mpandinika raharaham-pirenena sady mpiandraiki-draharaha eo anivon’ny fiadidiana ny repoblika, Soalihy Moussa. Efa mpiseho izany, hoy izy. Nametraka ny nantsoina hoe «Pacte de responsabilité» na dinan’andraikitra io rafitra io tamin’ny andron’ny fitondrana HVM dia tsy maintsy nekena satria tsy azo nivalozana. Demokraty avokoa ireo nilatsaka ho fidiana ireo dia nanaiky an’izay. Raha nisy angamba olona natahorana hitroatra tamin’ireny dia Lalatiana Rakotondrazafy kanefa dia nanaiky izy ary hisaorana azy nanaiky ny fahareseny. Hisaorana daholo, noho izany, ny kandida rehetra na mpomba ny fitondrana io na mpanohitra na tsy miankina fa samy mba nanaiky iny didy navoakan’ny HCC iny. Na tiana na tsia dia tsapa fa niteraka fitoniana iny didy iny. Hitantsika fa tsy dia mba nisy fanoherana na hoe «contestation» taorian’izany. Fitoniana haharitraritra mihitsy ary hisaorana ny HCC fa tena voalanjalanjan-drizareo ny didy navoakany. Hita tamin’ny fihetsiky ny mpanao politika moa izany taorian’ilay didy nivoaka. Fitsarana avo ny HCC fa na izany na tsy izany koa aza anefa dia fitsaràna politika na «juridico-politique» no ataony. Nipetraka foana hatramin’izay ny maha fitsaràna politika izany HCC izany! Izay no nanomezako ohatra ilay «Pacte de responsabilité» tamin’ny fotoan’androny teo. Niteraka resabe iny fa napetraky ny HCC ny maha «juridico-politique» azy. Isan’ny andraikitry ny HCC ny mametraka fitoniana anaty firenena. Nipetraka foana io atao hoe fitsaràna politika io hatramin’izay. Niteraka fitoniana eo amin’ny sehatra politika ilay fanapahan-kevitra fa niteraka fitoniana koa eo amin’ny sehatry ny vahoaka. Isaorana ny vahoaka malagasy fa na ny vahoaka malagasy koa aza mahatsapa fa tsy fotoana intsony izao andeha hikorontana na ny tahaka izany, hoy hatrany ny tenany.
J. Mirija