voalaza ho antony nandroahana ny masoivohon’izy ireo, Isabelle Délatre, farany teo, hoy ny minisitry ny raharaham-bahiny teo aloha, Paraina Auguste. Zavatra marina, hoy izy, no nambara. Izy manao ny fanamboaran-dalana. Isika manao ny fikojakojana nefa tsy vitantsika ilay izy. Tsy maintsy miteny izy. Toy izay koa ilay resaka famosirana na «castration» iny. Nanao sonia fifanarahana iraisampirenena momba ny zon’olombelona isika dia avy eo anefa manao zavatra manitsaka zon’olombelona toy ireny. Tsy ny ambasadaoro ihany no niteny fa nanaraka koa avy eo ny eveka Katolika. Mihevitra ny fitondrana fa hanilika ny mpamatsy vola mahazatra dia ho moramora ny hahazoana famatsiam-bola amin’ireo firenena arabo. Misy resaka takalo isan-karazany io. Ao anatiny ireny volamenantsika ireny. Misy ireny banky Islamika ireny. Misy koa ny famatsian’ny OPEP. Hafa ihany ny miaraka amin’ny vondrona eoropeanina. Tsy manakana fiaraha-miasa hafa izany. Mila jerena tsara ny resaka diplomasia fa tsy hoe entim-po fotsiny dia andao ity roahina. Na tiana na tsy tiana tsy maintsy misy ifandraisany io resaka vola volamena 50 Ariary sy fifandraisantsika amin’ny firenena arabo io. Mivoaka koa izao ny lahatsoratra samihafa momba ny fananan’ireo mpitondra afrikanina toy ny any Dobay. Io volamena io no mampalaza an’i Dobay. Miditra ao daholo ny volamena dia mampahafantatra fotsiny ianao hoe avy any Madagasikara ity na avy any Mali na avy aiza. Tsy misy iraharahiany izay fihaviany fa rehefa volamena dia ao, hoy hatrany ny fanazavany.
J. Mirija
Anisan’ireo fikambanana resy lahatra ny amin'ny vinan'ny Tahiana Razafinjoelina (TR) ny Tanora Miharisoa 67 ha
Mihamafy ny tsindry ho an’ny Fitondrana Rajoelina na efa mafy aza ny vesatra eo anatrehan’ny krizy ara-tsosialy
Mafampana hatrany ao Tsimbazaza ao anatin’izao fivoriana ara-potoana eo anivon’ny Antenimierampirenena izao.
Aok’izay, tsy atao sosety, tsy atao lafika izany intsony , tsy atao tohatra fiakaana izahay ambany tanana fa mila olona tena hitondra ny fanovana,
Ny fanotronan’ny filohan’ny Vaomieram-pirenena mahaleotena misahana ny fifidianana na CENI
Niditra amin'ny fivoriana ara-potoana nanomboka omaly 15 oktobra ny antenimierampirenena.