VONISON ANDRIANJATO

mety ka ho avy ny fanovana, hoy i Vonison Andrianjato, mpanao politika, efa minisitry ny serasera teo aloha no sady mpanao gazety, raha nivahiny tao amin'ny fahitalavitra Real TV izy halina. 15 taona izay nanao izay tiany natao teto i Andry Rajoelina, ary tsy nisy nahasakana hoy i Vonison Andrianjato ary hitohy foana io.Saingy tadidio fa misy farany ny zava-drehetra hoy izy, ka notanisainy natao ohatra ireo filoham-pirenena tsy refesi-mandidy ratsy fiafara toa an-dry Saddam Hussein, Omar El Bechir, Mouamar Kadhafi, Mobutu Sese Seko, Idi Amin Dada. Fa io koa anefa dia misy idiran'ny sehatra iraisam-pirenena hoy izy satria jereo izao ny ao Syrie...efa tamin'ny taona 2011 no nihotakotaka sy hoe hanongana ny Filoha Bachar el-Assad, mihoatra ny 500 000 ireo namoy ny ainy, fa mbola voatazona eo amin'ny toerany ihany ilay filoha satria arovan'i Vladimir Poutine, filohan'i Rosia. Fa raha hiverina kely amin'ny eto Madagasikara dia maro ny zavatra tsy nety teto, hoy izy ka izany no maha zava-dehibe ny fanabeazana ara-politika ny olona.Tsy voatery hoe higidragidra sy hifamono foana vao afaka ha nova. Tsy misy fahagagana fa tena fantatra ny zavamisy ary samy tompon'andraikitra. Ny tena manahirana dia ny hoe izay tiana natao foana no natao , tahaka an'io hoe Andry Rajoelina manao izay tiany io, hoy izy.Tsy izay anefa no lalana , izay tokony atao no atao fa tsy hoe izay tiana atao, hoy i Vonison Andrianjato .Izy moa dia anisan'ireo mpanentana sy mpamakafaka politika mafana fo ao amin'ny fandaharana Miara manonja miaraka amin-dry depiote isany Hanitra Razafimanantsoa sy Fidèle Razara Piera, izay efatra taona izao no efa nanaitra ny sain'ny rehetra ny amin'ny fomba fitantanana tsy mandeha amin'izay laoniny eto Madagasikara.Mila fahasahiana mijoro sy fandraisan'andraikitra ny fanovana izany ary ady tsy mora.
Nangonin'i RTT