madinika amoron-dalana eto Antananarivo renivohitra sy ireo kaominina manodidina azy. Vao tsy miasa iray andro tonga dia sahirana, mety tsy hihinan-kanina mihitsy. Feno azy ireo rehefa arabe, ifamezivezen’ny olona, matetika tsy mety miditra anaty tsena satria aleo amin’ny toerana be mpandalo, hono amin’izay mora lafo ny entana.Amin’io vola miditra io, tsy latsaka ny 6000 Ar ny sakafo maraina atoandro hariva. Ny ambim-bola kely mety eo am-pelatanana mandeha any amin’ny hofan-trano, saram-pianaran’ny ankizy, jirama, na vidin-drano eny amin’ny paompim-bahoaka. Tsy afaka mandany vola sy fotoana hoe handahenana miala sasatra izany ny ankamaroan’ny tokantrano, hoe mba haka rivo-dranomasina kely na ho any ambanivohitra satria ilay ho enti-manana mihitsy no tsy ampy. Raha sendra marary, na misy adidy tsy maintsy atao dia voatery mitrosa, tahaka ny efa fanao eny amin’ireo épicerie eny an-tanana ihany rehefa manomboka manify ny vola tahiry. Miasa mafy efa ho adin’ny 8 na adin’ny 10 isan’andro kanefa tsy afaka mitsinjo ny vodiandro merika akory, tsy afaka manana ambim-bava, tsy afaka mankafy fiainana sy misitraka ny hatsembohanny tava anya mina zavatra mba mahafinaritra. Tsy miaina ny fiainana ny ankamaroan’ny tokantrano Malagasy fa miasa mafy sy miady mba tsy ho matin’ny hanohanana, mba tsy ho faty…tsotra izao. Na mandoa 600 ariary amin’ny taxi be aza manahirana ; mainka moa fa ny hoe handeha taxibrousse Antananarivo – Mahajanga. Tsy mety ny manonofy fotsiny sy miandry tolorana na zatra manolotra. Tsy misy afa-tsy asa, fampitomboana ny vokatra ary ny fanabeazana ny vahoaka no mampandroso firenena iray.
RTT
