Sosialy

Vokatry ny fakan’ny olona iray ny tany efa nohajarian’izy ireo nanomboka tamin’ny taona 1986 no anton’izany ary efa nananganany trano miisa 120. Raha araka ny fanazavan’ny Renim-pianakaviana iray izay efa niady mafy io tany io niaraka tamin’ireo mpiara-monina aminy dia efa tamin’izany fotoana izy ireo no nangataka tamin’ny orinasa SEIMAD ny mba hahafahany mividy io tany io. Tsy nahazo valiny mahafa-po anefa izy ireo nandritra ny taona maro ka niezaka ny nanohy ny fangatahany hatrany. Taty aoriana nahare izy ireo fa namidin’ity orinasa ity tamin’ny olon-tokana ny tany tamin’ny vidiny 4 hetsy Ar latsaka. Notorian’ny tompon’ny tany izy ireo noho izany ka efa in-telo nandeha tribonaly ny raharaha. Tamin’ny voalohany dia resy ny fokonolona. Tamin’ny faharoa naharesy raha resy indray tamin’ity fanintelony ity, didy nivoaka tamin’ny zoma teo. Fantatra araka izany fa horavana ireo trano miisa 120 ireo ka olona manodidina ny 4000 eo ho eo no mety tsy hanan-kialofana tampoka. Nanambara moa Atoa Paolo Raholinarivo fa kolikoly teo anivon’ny fitsarana no anton’izao koa miantso ireto vahoaka ireto mba tsy hanaiky ity didy nivoaka io ny tenany.
Pati