Fikambanan’ireo Maintimolaly Indonesia

IAI (Ikatan Alumni Indonesia), izay ivondronan’ireo Mpianatra maintimolaly nandrato fianarana sy fiofanana tany samihafa Indonesie. Amin’izao ankatoky ny noely izao, nisafidy ny Ankany Avoko Ambohitratrimo nanaovana fotoam-bavaka niarahana tamin’ireo ankizy tezaina sy ireo mpanabe ao an-toerana ny Fikambanana omaly alahady 22 desambra sady nitondra izay voatsirambin’ny tanany niaraka tamin’ireo mpiara-miasa aminy toy dia ny avy amin’ny Masoivohon’i Indonesie mazava ho azy, ny Madagascar Oil. Nanolotra Fihirana, vary, ary menaka izay niainga tamin’ny hetahetan’ity Akany izay eo ambany Fiahiahian’ny FFPM ity. Teo ihany koa ny fanolorana mofo mamy sy vatomamy ho fiaraha-mifaly tamin’ny ankizin’ny Akany Avoko, izay nomarihin’ny Solontenan’ny mpitantana fa eo amin’ny 135 eo izy ireo ka ny vehivavy eny Ambohitratrimo ary ny lehilahy eny Bevalala, fa solontena ihany ny omaly satria betsaka ireo lasa nody noho ny vaninandro fety. « Efa ela no nijoroana, misy fotoana ny zava-drehetra ka ataoko fa ao anatin’ny fotoana tokony hijoroana izao indrindra eo anatrehan’ny fahasahiranana mianjady amin’ny vahoaka indrindra fa amin’ny Ankizy. Amin’ny maha mpianatra dia ny ankizy madinika sy ny mpianatra no itodihanay voalohany. Mahatsapa izahay fa misy ny anjara biriky tokony hoentinay izay tsy voatery ho zavatra ngezabe fa erikerika mahatondra-drano », hoy hatrany Atoa Tsiry Harison Rakotomanga. Ankoatra izany, azo lazaina ho singa lehibe eo amin’ny diplaomasia na « instrument de la diplomasie Malagasy-Indonesie » ny Fikambanana, ka izany indrindra no antony hijoroana, tsy resaka fanolorana fanomezana ihany, fa betsaka ireo mpikambana any anaty rafitra samihafa toy ny Minisitera, ka ny Filoha teo aloha izao efa minisitra, betsaka ireo misandrahaka any amin’ny Minisitera sy rafitra samihafa. Miezaka mitady fomba sy herijika hoentina mifanosika amin-dry zareo Indonezianina ka ny fampianarana, ny kolontsaina,... izao no isan’ny efa hita ho misongadina, hoy hatrany ny Filohan’ny IAI. Solontena ihany izy ireo ho an’ny omaly fa manodidina ny 200 ny mpikambana. Tsetsetsa tsy aritra kosa no ilazana fa isan’ny nitondra tan-tsoroka lehibe ho an’ny tantsaha toy ny any Betafo amin’ny fampiroboroboana ny fiompiana trondro ry zareo Indonezianina.
Toky R