LAFO LOATRA NY VIDIN-TSAVONY

izay efa mahatratra 1.000 Ar ny mora indrindra raha mbola nahazo ny 500 Ar teo aloha teo. Tsy tafiditra ao anatin’ny fandaharam-potoanan’ny ankamaroan’ny tokantrano Malagasy intsony vokatr’izany ny manasa lamba eny anelanelam-potoana. Tsy maintsy kajiana indray mandeha isan-kerinandro ihany izany ary tsitsiana tsy mihoatra ny 2000 Ar ny savony vidiana ho an’olona telo na efa-mianaka ao anatin’ny tokantrano iray. Raha araka ny resaka nifanaovana tamina Renim-pianakaviana iray dia lasa mankany amin’ny fividianana vary sy laoka hilaofana ny vola hamidy savony. Iretsy voalohany mantsy no tsy azo leferina raha mbola azo hiafiana kely kosa ny resaka fanasan-damba. Na izany aza dia nomarihiny fa tena mafy ny mahazo ny vahoaka Malagasy ankehitriny. Sady efa tsy ampy sakafo no mbola hatosika an-kolaka ao anaty havoretrana sy loto ihany koa vokatry ny fidangan’ny vidin-tsakafo. Antony mahatonga izany moa raha tsiahivina ny fampiakaran’ny fanjakana foibe ny hetra alaina amin’ireo karazana akora fanamboaran-tsavony eto amintsika.
Pati
Legende : Tsy ny savony ihany fa saika miakatra isan’andro ny vidin’ireo kojakoja ilaina amin’ny fiainana andavanandro eny an-tsena !