Mampijaly ny sosialy ao Toamasina

izay lasa fahatapahan’ny herinaratra na hoe fahatapahan-jiro sy rano faobe any Toamasina, hoy ny fampitam-baovao voaray omaly. Efa nanomboka feno filaharana teny amin'ny toby fividianan-drano "Ranontsika" manerana an'ny Toamasina. 2000 Ariary no vidin'ny rano iray zerikanina na «bidon jaune», hoy hatrany ny fampitam-baovao voaray. Efa tanteraka ao Toamasina, araka izany, ny hoe lasa filàna fototra na PPN mila vidiam-bola ary vidiana lafo mihitsy ankehitriny ny rano. 20.000 Ariary no vidin’ny 10 zerikanina. Ferana ve izany ny fidiovana na fandroana ao an-tokantrano? Mazava ho azy aloha izany fa tsy maintsy voatery ihany koa ny hitsitsy rano faran’izay zokiny ireo mponina satria raha 250.000 Ariary ny karama farany ambany voafaritry ny lalàna dia mila mandany rano firy litatra isam-bolana izany raha te ho velona araka ny tokony ho izy? Mampametra-panontaniana ankehitriny ny toe-draharaha sa iniana ilay fanapahana mba hampandehanana ity bizin’ny kaominina, mba tsy hilazàna hoe bizim-panjakàna vaovao ity? Efa voalaza ho mitotongana ny fanabeazana, mitotongana ny toekarena, mitotongana ny fandriampahalemana, ankehitriny izany tsy vitan’ny hoe mitotongana fotsiny intsony fa tena efa mampijaly mihitsy ny lafiny ara-tsosialy.
J. Mirija