Orinasa Star

ny kaonsilin’i Monaco sy ny STAR, fizaràna izay mitsinjo manokana ny ankizy madinika sy ny zokiolona isam-pianakaviana amin’izao vanim-potoanan’ny hatsiaka izao. Ny taona 2019 no nanomboka ity hetsika fizaràna bodofotsy ity ka tokantrano maherin’ny 10.000 manana zaza latsaky ny 5 taona no nisitraka izany hiatrehana ny vanim-potoana ririnina. Amin’ity taona ity kosa, ny kaonsilin'i Monaco sy ny STAR dia nijery ihany koa ny zokiolona, izay voasokajy ho marefo amin'izao ririnina izao. Tokantrano 100 miparitaka amin’ny fokontany folo no samy hahazo bodofotsy. Natomboka omaly Alarobia 17 Jolay ny fizarana ny fanomezana ka ny mponina ao amin’ny fokontany Ankazomanga Tsaramasay sy ny 3G Hangar Antohomadinika no nisantatra izany. Hitohy anio Alakamisy 18 Jolay ka hatramin’ny Alarobia 24 jolay izao ny fizaràna ka hisitrka izany koa ny Fokontany Ifarihy Tanjombato, Ambohibahiny Tanjombato, Iavoloha, Lohanosy, Analamahitsy, Alarobia Amboniloha, Vakinampasika ary Manankasina Ambohimanga. “Ezahinay ovainay isan-taona ny fokontany hanaovana ny fizaràna mba hahazoan’ireo tokantrano sahirana samihafa amin’ny toerana samihafa tombontsoa hoy i Adèle Ramamonjisoa, Talen’ny Fandaharan’asa eo anivon’ny kaonsilan’i Monaco Ny STAR no mamatsy vola hividianana ireo bodofotsy. Ny kaonsilin’i Monaco sy ny fokontany voakasika kosa no miandraikitra ny fitsinjarana izany isam-pianakaviana.
Pati
Legende : Nandritra ny fizarana ireo bodofotsy mafana !