Tatitry ny banky iraisam-pirenena

maneran-tany, araka ny tatitry ny Banky Tontolo Iainana ao amin'ny « Macro Poverty Outlook » na MPO, izay mandinika ny fivoaran'ny toekarena sy ny fahantrana amin'ny firenena an-dalam-pandrosoana, notaterin’ny fampahalalam-baovao iray. Nampahatsiahivin'ny Banky iraisam-pirenena tao amin’ity tatitry ny MPO momba an'i Madagasikara, izay navoaka tamin'ity volana oktobra ity, fa ny fahantrana maro lafy dia ahitana sy tarafina amin’ny filana fototra toy ny fahasalamana, fanabeazana ary ny fepetra hahafahana miaina. Voalazan’ny tatitra moa, fa 76% io tamin'ny 2008, teo amin’ny 67% tamin'ny 2018. Nisy fitomboana teo anelanelan'ny 2018 sy 2021, rehefa niakatra ny tsy fahampian'ny herinaratra sy ny sakafo sahaza taorian'ny olana maro nahazo ny firenena. Ny fahasahiranana amin'ny sakafo dia hita, indrindra any amin'ny faritra ambanivohitra sy ny tanàna, niverina akaiky amin'ny haavon'ny 2008, na dia nisy aza ny fanatsarana mitohy amin'ny fanatratrana ny fahatarana ho an’ny ankizy latsaky ny dimy taona. Nohamafisina ihany koa fa ny tsy fahampiana lehibe indrindra dia mifandraika amin'ny angovo fandrahoan-tsakafo madio (69%). Manaraka izany ny fanatsarana ara-pidiovana (68%), ny trano azo antoka (62%), ny herinaratra (55%), ny rano madio (53%) ary ny fanabeazana (50%). Ankoatr'izay, milaza ny Banky iraisam-pirenena ao amin'ny MPO fa tsy nahavita tena nisintona tombony tamin’ny vokatra fototra naondrana i Madagasikara mba hanamafisana ny fanovàna rafitra. Manasongadina izy fa ny fambolena izay ambany ny famokarana no mitana ny anjara lehibe eo amin’ny antsoina hoe : « valeur ajoutée ». Ny indostrian’ny fitrandrahana harena an-kibon’ny tany, ny fanorenana ary ny asa vaventy dia nanana ny anjara asa lehibe tamin'ny fitomboana ara-toekerana, saingy isan’ny lasibatra indrindra tamin'ny Covid-19, hoy io rafitry ny any Bretton Woods io. Mba hampihena ny fahantrana mitohy sy hanampy amin'ny fitomboana avo sy maharitra, dia heverin'ny Banky iraisam-pirenena fa tokony hatsaraina ny fitantanana sy ny antoka ara-pampiasam-bola na « climat des affaires » eto Madagasikara mba hisintonana ny mpampiasa vola tsy miankina. Asaina koa ny firenena hanamafy ny fanavaozana rafitra amin'ny sehatra lehibe toy ny fitrandrahana an-kibon’ny tany sy ny fifandraisan-davitra,…
Toky R