Baolina kitra

Tena mafy izy ary ho sarotra ho an'ny Auxerre atsy ho atsy ny hitazona azy fa tsy maintsy ho be mpitsirititra ity zanak'i Pierre kely ity. Irakitaka ampovoany isan'ny manampy ny fanafihana no tena manavana an'i Rayan Raveloson nefa dia mahay miaro-tena koa izy. Fehiny tena tsara izy ary raha maromaro ny Barea no toa azy dia inoana fa ho lasa lavitra ny Barea. Saingy mbola lavotry ny afo ny kitay satria dia mbola maka any amin'ny National ihany i Roro Rakotondrabe miampy ireo mpilalao any amin'ny firenena tsy lasa lavitra. Mbola misy koa fa tsy araky ny lazaina ireo tsy manana klioba. Clément RABARY