Barea

Hihaona amin'i Comores tokoa ny ekipam-pirenena malagasy izay voadona ihany taorinan'iny tsatok'antsy nataon'i Sassi sy ilay mpitsara kongole. Efa nihoatra telo minitra ny fanalavam-potoana natsangan'ny mpitsara anjorony ary miampy ny faharatran'i Berajo fa mbola notohizany ihany ny lalao. Vokany raha mbola mieritreritra ho tafita dia tsy maintsy mandresy an’i Comores. Manana ny hoenti-miady amin'izany ve anefa i Roro Rakotondrabe izay nanao hadisoana teo amin'ny fanoloana mpilalao raha namoaka an'i Thomas Fontaine dia nampiditra an'i Berajo. Raha ny tokony ho izy mantsy dia tsy nanala vodilaharana fa nampiana ary namoaka lohalaharana iray. Ary eo indrindra ny fanontaniana satria tsy dia hita nisongadina akory ireo hitsikitsika roa nivavahana dia i Johan N'Zi sy Caddy Warren. Mbola lesoka hatreto ny lohalaharana ary na i Safidy Fortune izay vodilaharana havia aza voa teo amin'ny lazon'ady. Asa aloha fa tsy mazava no tsy niantsoana intsony an'i Kendji Van Boto ary mampanontany tena koa ny filazana fa tsy nomen'ny kliobany i Clément Couturier. Ny anio tolakandro izao dia miandry izay alahatr'i Roro Rakotondrabe indray amin'i Tendry sy El Hadari.Ary Andy ilay moulalaon'ny Disciples ve moa voazona hanafana seza nefa ny maro mahita fa mahavita eo amin'ny toeran'ny rindrina voalohany izy noho i Ibrahim Amada izay efa tambesaran'ny taona. Raha sanatria mantsy ka resy eo dia mety miova endrika tanteraka indray ny Barea satria maro ireo naman'i Roro Rakotondrabe no tsy hajoron'izay misolo azy eo.
Clément RABARY