Barea U20

koa ho an'ireo sekoly misy any an-toerana.Misy foibe fito izany no hiangan'ny fifaninana dia Antsirabe, Antalaha, Manakara, Toliara, Antananarivo ary Toamasina sy Mahajanga. Ny 6 ka hatramin'ny 10 jolay izany no hotontosaina.Ny roa voalohany isaky ny vondrona no miakatra amin'ny dingana faharoa izay atao eto Antananarivo ny 21 oktobra ka hatramin'ny 3 novambra. Ankoatra ny maha fikarakarana ny taninketsa azy dia ny handray anjara amin'ny COSAFA amin'io sokaji-taona io no tanjona. Tena zavatra tsara izany saingy miankina betsaka amin'ny ho enti-manana ary indrindra ireo teknisianina handrafitra izany. Tsy mitovy mantsy ny mandray ireo ankizy sy ny olon-dehibe na dia ny tsipika hifampifehezana ihany aza. Manana olona anefa isika izay efa zatra mitaiza tanora toy ireny raha tsy hiteny afatsy Jean Maria Razafiarison any Antsirabe na Hery Kely Razagindrasata eny Sabotsy Namehana. Mety koa anefa raha i Mamisoa Razafindrakoto izany mitazona ny Dignitas etsy Androndra.Betsaka no azo atao na dia ny fiadiana ny Amboaran'i Madagasikara hoan'ireo latsaky ny 20 taona eo anivon'ny klioba.Raha betsaka mantsy ny hisafidianana dia tsara avy hatrany ny vokatra.Ka raha hieritreritra hiady ny tompondakan'i Afrika na ny eran-tany mihitsy dia tokony miverina mifampirahara amin'ny UFICASM izay mahenika ny Eoropa manontolo. LAsa aloha fa tsy tokony hatao halako bika tsy tiako tarehy ny fijerena izay tokony ahazoana vokatra tsara.
Clément RABARY